Mateo 6:2 - Tosi Tapu

² Koia ka ke soli ia se nea, aua na ke pupusi le fakatagi i ou mua, ofaipe le fai e le kau malualoi i sinakoka ti mo ala, o tupu ke viki ai latou e tagata. E kau pati maokioki atu kia koutou, kua lotou maua lolatou fakapale.

Mateo 6:2 ပူးပေါင်းရင်းမြစ်များ

Pesalemo 112:9

E fai e ia ni tufa koloa, e soli e ia ki le kau mativa ; E tuu lona faitotonu o lee gato ; E malaga lona ulu i le kololia.

Pesalemo 37:21

E too e le tagata agaveli ni maua, ti e leaise ui e ia ; E loto alofa le tagata agatonu, ti e solisoli a ia.

Taagapati 19:17

Ko leia e alofa ki le mativa e soli ki le Eteleno, Leia e toe liufaki ia loa kiate ia o mulimuli ki lana gaoi.

Taagapati 20:6

E toka api latou ala e fakasa ia lolatou agamalie ; Kae ko se tagata agatonu, ko ai e maua ia loa a ia ?

Ekelesiasi 11:2

soli se vaega ki se toka fitu, pe ki se toka valu foki, talie e leaise ke iloa le malaia leia e soko loa i le malama nei.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 58:7

Vaevae lau pane mo leia e fia kai, Fakaulu ki lou fale latou e fakaaloalofa mo sala nofoaga ; Ka ke tio ki se tagata telefua, uufi a ia, Kae aua na ke maliu kese i leia e tatau mo koe.

Esaia 9:17

Talie e kaikai le agaveli ofaipe le afi, Leia e tutu ia a uluvao gaoa mo talatala ; E tutu e ia le vaomatua matotolu, leia e mafuta ai ni afu matotolu.

Oseo 8:1

Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Mateo 15:7

Kau malualoi, na tonu ai Esaia i lana folafola kikite kia koutou, o pati :

Mateo 16:3

E tuu veli le aso nei talie e kula fakapouli le lagi. E kotou iloa le vakai o le anoaga o le lagi, kae e leaise kotou mafai ia le vakai o fakamailoga o temi nei.

Mateo 22:18

I le iloa e Sesu lalatou agaveli, na tali loa a ia : Kolea e kotou asiasii ai au, kau malualoi ?

Mateo 23:5

E lotou fai alatou gaoi fuli ke tioi e tagata. Koia e lotou ave ai ni tukuaga tosi laulalasi, ti mo ni tapai kie loloa i olatou kofu.

Mateo 23:6

E lotou manako ki le uluaki nofoaga i kaitasi, ti mo uluaki ekeekeaga i sinakoka ;

Mateo 24:51

Ti e tautea fakaveliveli loa e ia le tagata fakasausau lena, o soli kiate ia lona vaega mo le kau malualoi : Ko lena le ganea leia e maua ai loa ni tagi mo ni fetati o nifo.

Mateo 5:18

Talie e kau fakasa maoki atu kia koutou, e leaise puli loa le kele mo le lagi kae e leikiaise fakasoko a ga puani fuli ti mo ga matai tosi fuli o le lao.

Mateo 6:16

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Mateo 6:3

Kae ka ke soli ia se nea alofa, ke aua na iloa e lou lima sema le nea leia e fai e lou lima atamai,

Mateo 6:5

Ka kotou faikole, aua na kotou faipe le kau malualoi, ala e fia faikole tutuu i sinakoka ti mo magai ala, o tupu ke tioi latou e tagata. E kau pati maoki atu kia koutou, kua lotou maua lolatou fakapale.

Mateo 7:5

Malualoi, too mua le fa alaga mei lou fa mata, ti o ke tio loa pe feaki le too o le ga penu mei le fa mata o lou taina.

Maleko 12:39

ala e afa ia a ekeekeaga malilie i sinakoka, mo nofoaga malilie i kaitasi ;

Maleko 7:6

Na tali loa Sesu kia latou : Kau malualoi, na tonu ai le folafola a le polofeta ko Esaia kia koutou, leia e tuu i le tosi : E fakavikiviki le kakai leinei kiate au i laugutu, Kae e mamao lona loto iate au.

Luka 11:41

E malie ake ke kotou soli ki le kau mativa le nea leia e tuku i loto o akoutou ipu mo akoutou pa, ti e mea loa a nea fuli kia koutou.

Luka 11:43

Malaia kia koutou, kau faliseo ! Talie e kotou manako ki uluaki ekeekeaga i sinakoka, ti e kotou afa a fakamalo i malae fakafenua.

Luka 12:33

Kotou fakatau okoutou koloa ti kotou soli lona paaga ki le kau mativa. Kotou fai ni taga paaga ala e leaise toe popo, kotou tanaki se koloa lee gato i le lagi, i le ganea leia e leaise kaku ki ai le tagata kaia, ti e leaise maumau ai a ugogo.

Luka 12:56

Tagata malualoi ! E kotou iloa le agaaga o le kele mo le lagi ; kolea e leaise kotou matala ai ki le agaaga o le temi nei ?

Luka 13:15

Na tali loa le Aliki kiate ia : Kau malualoi ! Pe leaise kotou ano i le aso o le sapato o tasi tatala lana pipi pe ko lana asino, o ave ke fakainu ?

Luka 20:46

Kotou tokaga ki le kau sekelipa, ala e fia evaeva mo kofu loloa, ti e loto ke fakamalo ake kia latou i fakatasiaga ; ala e filifili ia a uluaki ekeekeaga i sinakoka, ti mo uluaki nofoaga i kaitasi ;

Luka 6:24

Kae, malaia kia koutou, kau mou koloa, talie kua kotou maua lokoutou fimalie !

Luka 6:42

Pe mafai feaki lau pati ki lou taina : Taina, tuku mai kiate au ke kau too ia le ga penu i lou mata, a koe leia e leaise tio ki le fa alaga i lou mata ? Malualoi, too mua le fa alaga i lou mata, ti o ke tio loa pe feaki le too o le ga penu leia i le mata o lou taina.

Soane 13:29

Kae, o tupu na nofo Sutasi mo le kisi paaga, na manatu ni iki na fia pati Sesu kiate ia : Totogi le nea leia e aoga mai kia tatou ki le aso lasi, pe na fakatotonu e ia kiate ia ke soli se nea ki le kau mativa.

Soane 5:41

E leaise kau tali loku kololia mei tagata.

Soane 5:44

E feaki le mafai ke kotou tui, koutou ala e afa ia lokoutou kololia ia koutou, kae e leaise kotou afa le kololia leia e au mei le Atua toka tasi ?

Soane 7:18

Ko leia e masau iate ia totonu, e afa ia lona kololia toka tasi ; kae ko leia e afa ia le kololia o leia na kakau ia a ia e maoki a ia, ti e leaise se nea fua iate ia e sala.

Gaoi 10:2

Na tausi malie a ia mo alofa ki le Atua, a ia mo lona fale katoa ; ti na fai e ia ni nea alofa lasi ki le kakai, mo faikole tuumau ki le Atua.

Gaoi 10:31

Kolenelio, kua tali lau kole, ti kua manatui e le Atua au nea alofa.

Gaoi 10:4

Ti i lana tio fakamaumau kiate ia mo se i lasi, na tali loa a ia : Aliki, kolea ? Ti na pati loa le aselo kiate ia : Kua kaku au faikole mo ou nea alofa ki mua o le Atua, ti kua manatui e ia latou.

Gaoi 11:29

Ti na fai loa se tonu e le kau tisipulo ke ave se tokoi ki fetaina i Sutea, o fakalogo ki le nea leia e mafai e le tagata taki toka tasi.

Gaoi 24:17

I le oki o laku puli i ni fetuu mauke ai, na kau au loa o fai ni nea alofa ki loku puleaga, ti mo fai ni moliga.

Gaoi 9:36

Na nofo i Sope, i le kau tisipulo, se fafine na igoa ko Tapita, ko lona uiga i le fakakeleka ko Tolokasi ; na fai e le fafine lena ni gaoi malilie lasi ai mo ni nea alofa.

Loma 12:8

ko leia e fakamakeke ke pipiki a ia ki le fakamakeke ; ko leia e soli ke fai e ia mo le loto malie ; ko leia e takitaki ke fai e ia mo le loto katoa ; ti ko leia e alofa ki le kau mativa ke fai e ia mo le loto fiafia.

Uluaki tosi ki le kau Kolinto 13:3

Ti kapau e kau tufa loa oku koloa fuli ke fagai ai le kau mativa, ti kapau e kau tuku loa loku tino ke tutu, kae e leaise kau maua le alofa, e leaise aoga le nea lena kiate au.

Kalate 2:10

Ti na lotou kole mai fua ke ma manatui le kau mativa ; ti na kau tokaga ai o fai le nea a ia.

Efeso 4:28

Ko leia na kaia ke aua na toe kaia a ia ; kae ke gaoi a ia, o fai ki ona lima le nea leia e malie, ke maua se nea leia ke soli ki leia e mativa.

Uluaki tosi ki le kau Tesalonika 2:6

Na leaise motou afa le kololia leia e au mei tagata, pe meia koutou, pe mei ni iki ake ; i lomatou uiga ko apositolo a Kilisito na feala ke motou pulei fakamakeke koutou,

Uluaki tosi kia Timoteo 6:18

Fakatotonu kia latou ke lotou fai le malie, ke lotou mou koloa i gaoi malilie, ke lotou loto solisoli, ti ke lotou loto tokoi,

Filemo 1:7

Koia na kau logoi ai se fiafia lasi mo se fakapelepele o tupu ko lou alofa ; talie kua ke fakafimalie ia, ei taina, le loto o le kau sagato.

Epelo 13:16

Aua na kotou galoi le fai nea alofa ti mo le kai solisoli, talie ko sakilifisio ana e fiafia ai le Atua.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Uluaki tosi a Samuele 15:30

Na toe pati loa Saulo : Kua kau agasala ! I le lakaga nei, e kau kole atu kiate koe, fakaapaapa mai kiate au i mua o le kau matua o loku kakai mo mua o Iselaele : toe au mo au, ti e kau atolasio loa ki le Eteleno, lou Atua.