Mateo 6:16 - Tosi Tapu

¹⁶ Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Mateo 6:16 ပူးပေါင်းရင်းမြစ်များ

Lua tosi a Samuele 12:16

Na kole loa e Tavite ki le Atua ti mo sesunio o uiga mo le fanau ; ti ka ulu loa a ia ki lona fale, na moe loa a ia i le kele, i le po katoa.

Lua tosi a Samuele 12:21

Na pati loa ana tagata fakasausau kiate ia : Kolea le uiga o le nea leia kua ke fai ? I le koi mauli o le fanau, na ke sesunio mo tagi ; ti i le temi nei kua mate ai le toe, kua ke tuu ki aluga o kai !

Uluaki tosi o Sau 21:27

I le oki o le logo a Akapo ki folafola a Elia, na sae loa e ia ona kofu, kae na tui loa e ia se taga ki lona tino, ti na sesunio loa a ia : na moe a ia mo le taga lena, ti na saele tolotolo fua a ia.

Neemia 1:4

I laku logo ki nea ana, na kau tonatona loa ki le kele o tagi, ti na kau nofo loa i ni aso mauke ai i le mamae. Na kau sesunio loa ti na kau faikole loa ki le Atua o le atu lagi, o pati :

Esitele 4:16

Ano, o fakatasii le kau Sutea fuli leia e nonofo i Suse, ti kotou sesunio kiate au, aua na kotou kai fua pe kotou inu fua i ni aso e tolu i le pouli mo le ao. Ko au foki, e kau sesunio loa mo aku fafine fakasausau, ti oki aia, e kau ano loa ki le sau, logo ai le lao ; ti kapau e tonu ke kau mate, e kau mate loa.

Pesalemo 109:24

Kua gaegae oku tuli i le sesunio, Ti kua kala loku tino i le pakia.

Pesalemo 35:13

Kae ko au, i le aso leia na lotou masaki ai, na kau kofu se taga, Na kau fakamamae loku laumalie i le sesunio, Na kau peluki loku ulu ki loku fatafata, ti na kau faikole.

Pesalemo 69:10

Talie kua tutu au e le mafi ki lou fale, Ti ko nukinuki a latou ala e lauveli kiate koe e vilo mai kiate au.

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Malakia 3:14

Na kotou pati : E leaise aoga o le tausi ki le Atua ; Kolea na tou maua i le tausi o ana pelesepeto, Ti mo le saele i le mamae, O tupu ko le Eteleno o kau tau ?

Mateo 6:1

Kotou tokaga ki le fai o lokoutou agatonu, ke aua na kotou fai a ia i mua o tagata, o tupu ke tioi koutou : talie kapau ko ia, ti e leaise kotou maua loa se fakapale i tafa o lokoutou Tamana leia e nofo i le lagi.

Mateo 6:2

Koia ka ke soli ia se nea, aua na ke pupusi le fakatagi i ou mua, ofaipe le fai e le kau malualoi i sinakoka ti mo ala, o tupu ke viki ai latou e tagata. E kau pati maokioki atu kia koutou, kua lotou maua lolatou fakapale.

Mateo 6:5

Ka kotou faikole, aua na kotou faipe le kau malualoi, ala e fia faikole tutuu i sinakoka ti mo magai ala, o tupu ke tioi latou e tagata. E kau pati maoki atu kia koutou, kua lotou maua lolatou fakapale.

Maleko 2:18

Na sesunio a tisipulo a Soane mo le kau faliseo. Ti na lotou au loa o pati kia Sesu : Kolea e sesunio ai a tisipulo a Soane ti mo tisipulo a le kau faliseo, kae e leaise sesunio au tisipulo ?

Luka 18:12

E kau sesunio tua lua i le vasaa, ti e kau soli le vaega kau agafulu o oku koloa fuli.

Luka 2:37

Na nofo lokonui a ia o kaku ki lona fetuu kau valu tupu fa, ti na leaise mavae a ia i le fale tapu, ti na tausi a ia ki le Atua i le po mo le ao i le sesunio mo le faikole.

Gaoi 10:30

Ti na pati loa Kolenelio : Kua aso fa nei loa, i le ola leinei, na kau faikole i loku fale i le vae ola tolu sili lalatea ; ti ko leinei, na tuu mai loa ki oku mua se tagata kua teu gigila, o pati :

Gaoi 14:23

Na la fakanofo loa kia latou ni kau fakamatuatua i Ekelesia taki tasi, ti i le oki o le faikole mo le sesunio, na la tuku loa latou ki le Aliki leia kua lotou tui ki ai.

Uluaki tosi ki le kau Kolinto 7:5

Ke aua na kolua fefakafitiaki ia koulua, gato fai mo kapau kua kolua loto tasi ki ai i se ga temi ikiiki, o tupu ke kolua tokaga ki le faikole ; kae ka oki a ia, ke kolua toe liliu o fakatasi, talie na fakasalai koulua e Satana i lokoulua sala tataofi.

Lua tosi ki le kau Kolinto 11:27

Na kau fai ni gaoi pakia mo mamae, o tau mo ni alaala pouli lasi ai, mo le fia kai, mo le fia inu, mo ni sesunio liuliuga, mo le momoko, ti mo le mativa.

Lua tosi ki le kau Kolinto 6:5

i sasa, i pilisoni, i maveuveu, i gaoi pakia, i alaala pouli, i sesunio ;