Mateo 4:22 - Tosi Tapu

²² Na kalagai loa laua e Sesu, ti i le lakaga fai lena, na la tuku loa le vaka mo lola tamana, kae na la muli loa iate ia.

Mateo 4:22 ပူးပေါင်းရင်းမြစ်များ

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Mateo 4:21

Ti na ano loa a ia mei ai, ti na tio loa a ia ki se tasi tautaina, ko Sakopo mo lona taina ko Soane, vosa o Sepeteo, ala na nonofo i se vaka mo Sepeteo, lola tamana, ti na lotou onoono olatou kupega.

Mateo 4:23

Na feanoaki loa Sesu i Kalilea katoa, o akonaki i sinakoka, mo fakasa ia le logo malie o le Puleaga, ti mo fakamauli a masaki mo maimoa fuli i le kakai.

Maleko 1:20

I le lakaga fai lena, na kalagai loa e ia laua ; ti na la tuku loa lola tamana ko Sepeteo i le vaka mo le kau gaoi, kae na la muli loa iate ia.

Luka 14:26

Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo.

Luka 14:33

Koia ko leia ia koutou e leaise fakafiti ki nea fuli ala e maua e ia, e leaise mafai ke liliu ko laku tisipulo.

Luka 5:11

Ti na lotou toso loa a vaka ki uta, ti na lotou tuku loa a nea fuli, kae lotou muli loa iate ia.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.