Mateo 27:54 - Tosi Tapu

⁵⁴ Ko le setulio mo latou ala na nonofo mo ia o leo Sesu, na tio loa ki le mafuike ti mo nea fuli ala na soko, na i lasi loa, o pati : E maoki ai, ko le tagata leinei ko le Alo a ia o le Atua.

Mateo 27:54 ပူးပေါင်းရင်းမြစ်များ

Mateo 26:63

Na fakalologo loa Sesu. Ti na masau loa le pule faisakilifisio, o pati kiate ia : E kau fakapapau atu i mua o le Atua mauli, fakasa mai kia matou pe ko Kilisito a koe, ko le Alo o le Atua.

Mateo 27:36

Ti na lotou tonatona loa, o leo a ia.

Mateo 27:40

o pati : A koe leia e maumaui ia le fale tapu, ti e toe fakatuu ia a ia i ni aso e tolu, saofaki a koe totonu ! Ti kapau ko le Alo a koe o le Atua, ifo mai mei le koluse ki lalo !

Mateo 27:43

Na fanaki a ia ki le Atua, ke saofaki a ia e le Atua i le lakaga nei, mo kapau e alofa le Atua kiate ia. Talie na pati a ia : Ko le Alo au o le Atua !

Mateo 27:51

Ti ko leinei, na masae loa le kie o le fale tapu mei aluga ki lalo, ti na galulu loa le kele, ti na mafaafaa loa a utu,

Mateo 4:3

Na fakafeofi ake loa le fakasala, o pati kiate ia : Kapau ko le Alo a koe o le Atua, fakatotonu ke liliu a fatu ana ko ni pane.

Mateo 8:5

I le ulu a Sesu ki le kolo ko Kafanaume, na fakatuu loa a ia e se setulio,

Maleko 15:39

Ko le setulio leia na tuu i mua o Sesu, i lana tio ki lona mate fenaaki, na pati loa : E maoki ai, ko le tagata leinei ko le Alo o le Atua.

Luka 22:70

Na lotou pati fuli loa : Ko koe ai ko le Alo o le Atua ? Ti na tali loa a ia kia latou : Kua kotou pati ki ai, ko au totonu.

Soane 19:7

Ti na tali loa le kau Sutea kiate ia : E i ai lamatou lao ; ti i lamatou lao, e tonu ke mate a ia, talie na pati a ia ko le Alo a ia o le Atua.

Gaoi 10:1

Na i ai i Sesalea se tagata na igoa ko Kolenelio, ko se pule tau o le kau solia na pati ko le solia Italia.

Gaoi 2:37

I lalatou logo ki le masau lena, na lotou logoi i olatou loto se fakasemala lasi ai, ti na lotou pati loa kia Petelo mo la ake apositolo : Kau tagata ko fetaina, kolea le nea leia e tonu ke motou fai ?

Gaoi 21:32

Ti na too aifai e ia ni tagata solia mo olatou pule o fai makape kia latou. I lalatou tio ki le pule lasi mo le kau solia, na lotou tuku loa le sasa o Paulo.

Gaoi 23:17

Ti na kalagai loa e Paulo se tasi o le kau setulio, o pati kiate ia : Taki le tupulaga leinei ki le pule lasi, talie e fia fakasa e ia kiate ia se nea.

Gaoi 23:23

Ti na kalagai loa e le pule solia ni setulio e toka lua, o pati kia laua : Kolua teuteui loa ki le ola iva pouli, ni tagata solia e tino lelau lua, mo ni tagata eke osi e tino fitu, ti mo ni tagata too kalolo e tino lelau lua, ke ano o kaku ki Sesalea.

Gaoi 27:1

Ti kua tonu loa ke motou ano vaka ki Italia, na tuku loa Paulo mo ni iki ake tagata pilisoni ki se setulio na igoa ko Suliusi, mei le kau solia a Aukusito.

Gaoi 27:43

Kae na taofi loa latou e le setulio, leia na loto ke fakamauli ia Paulo. Ti na fakatotonu loa e ia kia latou ala e poto i le kakau ke uluaki sopo ki le tai, o kakau ki uta,

Loma 1:4

leia na fakasa fakamakeke ko le Alo o le Atua e le Laumalie Maokioki i lana toe tuuake mei le kau mate, Sesu-Kilisito, lotatou Aliki ;

Apokalipisi 11:13

I le ola lena, na to loa se mafuike lasi, ti na solo loa ki lalo le vaega kau agafulu o le kolo ; ti na mamate loa a tagata e tino fitu afe i le mafuike lena, ti ko le toega o le kakai na lulu loa i le i, ti na lotou fakakololia loa ki le Atua o le lagi.