Mateo 22:5 - Tosi Tapu

⁵ Kae na leaise tuatua fua le kau fakaafe ki le fakaafe, ti na lotou tasi ano loa, ko leia ki lona faisaga, ti ko leia ake ki lona koloa ;

Mateo 22:5 ပူးပေါင်းရင်းမြစ်များ

Senesi 19:14

Na ulu loa a Lote o masau ki ona fugao ala na avaga mo ona taine. Na pati loa a ia kia latou : Ke kotou tutuu ki aluga, ti ke kotou mavae i le ganea leinei, talie ka maumaui loa le kolo e le Eteleno. Kae na fai a ia kia latou pe se tasi leia e masau fakasuasua.

Senesi 25:34

Ti na soli loa e Sakopo kia Esau se pane mo se pa lenitili. Na kai loa a ia mo inu, ti na tuu ake loa a ia o ano. Na fakanoai loa e Esau lona pule o le vosa uluaki i le nea lena.

Taagapati 1:7

Ko le i ki le Eteleno ko le kamataaga o le iloa ; E vesia le kau vale ki le poto mo le akonaki.

Mateo 13:22

Ko leia na tali ia le fakaili i vao talatala, ko leia e logo ki le folafola, kae ko tuania o le mauli ti mo olioli noa ki koloa fakamalama e tapono ia le folafola iate ia ke aua na fua iate ia.

Mateo 22:4

Na toe kakau loa e ia ni iki ake tagata fakasausau, o pati : Kotou pati ki le kau fakaafe : Ko leinei kua kau teuteui laku kaitasi ; kua tamate aku pipi tagata mo aku manu pepeti, ti kua tokamalie a nea fuli, kotou au ki le kaitasi.

Mateo 22:6

ti na too loa e iki ni tagata fakasausau, o fakavelivelii mo tamate latou.

Soane 2:16

Ti na pati loa a ia ki le kau fakatau lupe : Ave kese a nea ana i leinei, aua na kotou fakaliliu le fale o loku Tamana ko se fale fakatau.

Gaoi 2:13

Kae na gologolo ni iki, o pati : Kua lotou konana i le vino.

Gaoi 24:25

Kae i le masau a Paulo ki le faitotonu, mo le oli veli, ti mo le fakamaau fakamuli, na lulu loa Felise, o pati kiate ia : Ano, kua feauga le aso nei ; ka kau toe maua loa se tasi faigamalie, ti e kau toe kalagai atu loa a koe.

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Loma 8:6

Ko le tokaga ki nea o le kanofi, ko le mate ; kae ko le tokaga ki nea o le Laumalie, ko le mauli mo le tokamalie.

Lua tosi kia Timoteo 3:4

mo fakapapau loi, mo loto oso, mo makita i le fia nealasi, mo alofa ki fiafia fakamalama o lasi ake i le Atua ;

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.