Mateo 20:8 - Tosi Tapu

⁸ I le afiafi, na pati loa le pule o le vite ki lana tagata pule koloa : Kalagai le kau gaoi, ti ke totogi latou, o kamata meia latou ala na muli o fai kia latou ala na mua.

Mateo 20:8 ပူးပေါင်းရင်းမြစ်များ

Senesi 15:2

Na tali loa Apalamo : Aliki Eteleno, kolea le nea leia e ke soli mai loa kiate au ? E kau ano, kae e leai saku fanau ; ti ko leia e maua ia loa a koloa o loku fale, ko Eliesele o Tamaso.

Senesi 43:19

Na lotou fakafeofi loa ki le pule o le fale o Sosefo, ti na lotou masau loa kiate ia, i mua o le matapa.

Levitiko 19:13

Aua na ke pulei fakaveli loa lou oloi, ti aua na ke too fakamakeke loa se nea iate ia. Aua na ke taofi loa o kaku ki le apogipogi le totogi o le tagata gaoi.

Mateo 20:7

Na lotou tali loa kiate ia : Talie na leaise fakagaoii matou e se tasi. Na pati loa a ia kia latou : Kotou ano mo kotou foki ki laku vite.

Mateo 20:9

Na au loa latou ala o le ola lima afiafi, ti na soli loa kia latou taki toka tasi se fa tenalio e tasi.

Mateo 25:19

Ti fualoa, na toe liliu mai loa le pule o tagata fakasausau ana, o afa kia latou le fua o lalatou gaoi.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Luka 10:7

Kotou nonofo loa i le fale lena, o kai mo inu le nea leia e soli atu loa kia koutou, talie e tonu ke maua e le tagata gaoi lona totogi. Aua na kotou fesikiaki mei leia a fale ki leia a fale.

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 8:3

mo Soana, avaga o Kusa ko le pule koloa a Elote, mo Susana, ti mo ni iki ake fafine e toka api, ti na lotou tausi a ia ki olatou koloa.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Tetelonome 24:15

Kae e ke soli loa kiate ia le totogi o lona aso gaoi i mua o le vilo o le laa ; talie e mativa a ia ti e aoga ai lona totogi kiate ia. Kapau e leaise ke fai loa le nea lena, e tagi loa a ia ki le Eteleno, ti e ke maua loa i ai se agasala.

Tito 1:7

Talie e tonu ke lee sala le epikopo, ofaipe se tagata taupau koloa a le Atua ; ke aua na fia nealasi a ia, mo itaita, mo inu kava, mo agamakeke, mo manumanu ki koloa fakalumaluma,

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Uluaki tosi a Petelo 4:10

Ofaipe ni tagata taupau koloa malie o kalasia kesekese o le Atua, ke kotou tasi fakaaoga kia koutou le nea alofa leia kua kotou maua.

Lute 2:6

Na tali loa le tagata fakasausau leia na leoleo ki le kau tuuti fulumeto : Ko se fafine Moape leia na au mo Naomi mei le fenua o Moape.