Mateo 20:26 - Tosi Tapu

²⁶ E leaise fenaaki loa i lotolotoga o koutou. Kae ko leia e loto ke lasi ia koutou, ke liliu a ia ko lakoutou tagata fakasausau.

Mateo 20:26 ပူးပေါင်းရင်းမြစ်များ

Esekiele 24:13

Selusalemi, kua ke kelekele o tupu ko au aga fakalialia fuli. Na kau loto ke fakamea a koe, kae na leaise ke tuku ke fakamea a koe. Koia e leaise feala loa ke ke liliu o mea, o kaku ki laku liligi kiate koe loku sausau katoa.

Mateo 20:27

Ti ko leia e loto ke uluaki ia koutou, ke liliu a ia ko lakoutou tagata popula.

Mateo 25:44

E lotou toe tali loa : Aliki, ko nafea leia na motou tio ai kiate koe e fia kai, pe fia inu, pe matapule, pe telefua, pe masaki, pe pilisoni, ti na leaise motou tokaga kiate koe ?

Mateo 27:55

Na i ai i lena ni fafine toka api ala na tutuu mei mamao, o tio. Na lotou mulimuli ia Sesu mei Kalilea, o tausi kiate ia.

Maleko 10:43

Ke aua na fenaaki ia koutou. Kae ko leia e loto ke lasi ia koutou, ke liliu a ia ko lakoutou tagata fakasausau ;

Maleko 10:45

Talie na leaise au le Vosa o le tagata ke fakasausau ake kiate ia, kae ke fakasausau mo soli lona mauli ke totogi ai le toka api.

Maleko 9:35

Ti na tonatona loa Sesu, ti na kalagai e ia le tino agafulu tupu lua, o pati kia latou : Kapau e loto se tasi ke uluaki, ke liliu a ia ko le muli oki ia koutou fuli, ti ko le fakasausau a koutou fuli.

Luka 18:14

E kau fakasa atu kia koutou, na ifo le popelikano ki lona fale kua faitotonu a ia, kae leai le faliseo. Talie ko leia e malaga ki aluga e tuku loa a ia ki lalo, ti ko leia e fakataulalo e siki loa a ia ki aluga.

Luka 22:26

Kae e leaise fenaaki loa ia koutou. Ko leia e lasi ake ia koutou ke fai a ia pe leia e ikiiki oki, ti ko leia e pule ke fai a ia pe leia e fakasausau.

Soane 18:36

Na tali loa Sesu : E leaise kau loku puleaga i le malama nei. Kana kau loku puleaga i le malama nei, e tau loa aku tagata fakasausau kiate au o tupu ke aua na tuku au ki le kau Sutea ; kae i le lakaga nei e leaise kau loku puleaga i lalo nei.

Gaoi 13:5

I lala kaku ki Salamina, na la fakasa loa le folafola a le Atua i sinakoka o le kau Sutea. Na tokoi loa Soane kia laua.

Lua tosi ki le kau Kolinto 1:24

kae leaise tupu ke ma pulei ai lakoutou tui, kae tupu ke ma tokoi ki lokotou fiafia, talie kua kotou tuu makeke i le tui.

Lua tosi kia Timoteo 1:18

Ke alofa le Aliki o tuku kiate ia lona manavaalofa i tafa o le Aliki i le aso lena. E ke iloa malie le lasi o nea fuli ala na fai e ia kiate au i Efeso.

Filemo 1:13

Na kau fia taofi a ia kiate au, o tupu ke tausi a ia kiate au o fetogi a koe, i le temi leinei e kau nofo ai i tini o tupu ko le Evaselio.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Uluaki tosi a Petelo 5:3

o leaise kotou faipe ni kau pule kia latou ala kua tuku atu ke kotou tokaga ki ai, kae ke kotou liliu ko ni faifaitakiaga ki le kau ovi.

Apokalipisi 17:6

Ti na kau tio loa ki le fafine lena kua kona i le toto o le kau sagato ti mo le toto o le kau fakamaoki a Sesu. Ti na kau punamauli lasi ai i laku tio kiate ia.