Mateo 13:52 - Tosi Tapu

⁵² Ti na pati loa a ia kia latou : Koia ko sekelipa fuli kua ako o uiga mo le Puleaga o le atu lagi, e tatau mo se pule kaiga leia e too ia mei lona koloa ni nea foou mo ni nea afea.

Mateo 13:52 ပူးပေါင်းရင်းမြစ်များ

Esetalasi 7:10

Talie na tokaga fakamalotoloto Esetalasi o ako mo fai le lao a le Eteleno, ti mo ako ki le kakai o Iselaele a folafola mo lekula o le lao lena.

Esetalasi 7:21

Ko au, sau ko Aletasese, e kau tuku le fakatotonu ki tagata taupau koloa fuli i le fetuu lena o le vaitafe, ke lotou soli totonu kia Esetalasi, le tagata faisakilifisio mo sekelipa i le lao o le Atua o le lagi, a nea fuli ala e kole atu loa e ia kia koutou,

Esetalasi 7:6

Na au loa le Esetalasi lena mei Papilone : ko se tagata sekelipa a ia, leia na poto i le lao a Moisese leia na tuku kiate ia e le Eteleno, le Atua o Iselaele. Ti na kau mo ia le lima o le Eteleno, lona Atua, koia na soli ai e le sau kia Esetalasi a nea fuli ala na kole e ia kiate ia.

Taagapati 11:30

Ko le fua o le tagata agatonu ko se laakau o le mauli, Ti ko leia e fakamauli ia ni laumalie e poto.

Taagapati 15:7

E liligi le poto e laugutu o le kau poto ; Kae e gaati le ulu o le kau vale.

Taagapati 18:4

Ko masau o le gutu o se tagata ko ni vai loloto ; Ko le matapuna o le poto ko se liua e mapaa mei se mauga.

Katiko o Katiko 7:13

I le usu e ta ano loa ki faisaga vite, E ta tio loa pe sosomo le vite, pe matalatala ona se ; Pe se a kelenati. I lena e kau soli loa loku alofa kiate koe.

Mateo 12:35

E maua e le tagata malie ni nea malilie mei lona koloa malie, ti e maua e le tagata agaveli ni nea veveli mei lona koloa veli.

Mateo 13:51

Pe kua kotou matala ki nea fuli ana ? Na lotou tali loa : E io.

Mateo 13:53

I le oki o folafola fakatata ana, na mavae loa Sesu mei lena.

Mateo 23:34

Koia loa, ko leinei, e kau kakau atu loa kia koutou ni polofeta, ni tagata poto ti mo ni sekelipa. E kotou tamate loa ni iki, ti e kotou kulusifiko loa ni iki, ti e kotou sasa loa ki laakau ni iki i okoutou sinakoka, ti e kotou fakavelivelii loa latou mei leia a kolo ki leia a kolo,

Mateo 28:19

Kotou ano, kotou fai ni tisipulo i puleaga fuli, o papitema latou i le suafa o le Tamana, mo le Alo mo le Laumalie Maokioki,

Luka 11:49

Koia na fakasa ai e le Atua i lona poto : E kau kakau loa kia latou ni polofeta mo ni apositolo ; ti e lotou tamate loa a iki kae e lotou fakavelivelii loa a iki.

Soane 13:34

E kau tuku kia koutou se fakatotonu foou : Kotou fealofani ia koutou ; ofaipe loku alofa kia koutou, ko koutou foki, kotou fealofani ia koutou.

Lua tosi ki le kau Kolinto 6:10

ofaipe ni tagata e loto mamae, kae e ma fiafia tuumau ; ofaipe ni mativa, kae e ma fakakoloa ia le toka api ; ofaipe ni tagata e leaise maua ia ni nea, logo ai e ma maua a nea fuli.

Efeso 3:4

I lakoutou lau a ia, e mafai loa ke kotou matala ki le malama leia kua kau maua ki le misitelio o Kilisito.

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Kolose 1:7

o mulimuli ki le akonaki leia kua kotou tali meia Epafalasi, loma kaukau nea alofaina i le gaoi, leia ko se tagata fakasausau agatonu a Kilisito kia koutou,

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Uluaki tosi kia Timoteo 3:6

E leaise tonu ko se tasi leia nao tafoki foou, talie ke aua na makita a ia i le fia nealasi o vilo ki le fakamaau a Satana.

Tito 1:9

ti ke pipiki a ia ki le folafola maoki ofaipe lona akonaki atu, o tupu ke mafai foki e ia lana ekenaki mo lana valoki ki le akonaki totonu latou ala e fakafesagai.