Mateo 12:4 - Tosi Tapu

⁴ pe na feaki lana ulu ki le fale o le Atua o kai a pane taputapu, ala na leaise taga fua ke kai e ia, pe ko latou ala na nonofo mo ia, kae na gato fai ki le kau tagata faisakilifisio ?

Mateo 12:4 ပူးပေါင်းရင်းမြစ်များ

Ekesote 25:30

E ke tuku tuumau loa i oku mua, i aluga o le laupapa, a pane taputapu.

Levitiko 8:31

Ti na pati loa Moisese kia Alone mo ona vosa : kotou fakamoso le kanomate o le lua ovi tagata i le uluaga o le falela tapu, talie ko lena le ganea leia e tonu loa ke kotou kai ai a ia, mo le pane leia na tuku i le kete leia na teuteui ki le fakanofo, o mulimuli ki le nea leia na kau fakatotonu atu kia koutou, o pati : e kai loa a ia e Alone mo ona vosa.

Mateo 12:3

Kae na tali loa Sesu kia latou : Pe na leaise kotou lau le nea leia na fai e Tavite, i le aso leia na fia kai ai a ia mo latou ala na nonofo mo ia ;

Mateo 12:5

Pe na leikiaise kotou lau i le lao, i aso sapato, e maumaui e le kau tagata faisakilifisio le sapato i le loto fale tapu, kae e leaise lotou sala ?

Maleko 2:26

pe na feaki lana ulu ki le fale o le Atua, i le temi o le tagata faisakilifisio ko Apiatale, o kai a pane o moliga, ala na leaise taga ke kai e se tagata, gato fai ki le kau tagata faisakilifisio, ti na toe soli foki e ia kia latou ala na nonofo mo ia !

Luka 6:4

pe na feaki lana ulu ki le fale o le Atua, o too a pane o moliga o kai, ti na toe soli foki e ia kia latou ala na nonofo mo ia ; kae na taga fai ki le kau tagata faisakilifisio ke kai ki ai ?

Epelo 9:2

Talie na fakatuu loa se tapenakulo. I le uluaki falela, leia na igoa ko le potu tapu, na tuu ai le tekiaga malama, mo le laupapa ti mo pane fakatapu.

Uluaki tosi a Samuele 21:4

Na tali loa le tagata faisakilifisio kia Tavite : E leaise kau maua nei ni fa pane masani, kae e i ai ni fa pane fakatapu ; mo kapau na fakamamao au tagata mei fafine i aso a nei !

Uluaki tosi a Samuele 21:6

Ti na soli loa e le tagata faisakilifisio kia Tavite a fa pane fakatapu, talie na leaise maua ni iki ake fa pane kese i fa pane tapu, ala na too i mua o le Eteleno, ke fetogi ki ni pane foou.