Mateo 10:20 - Tosi Tapu

²⁰ talie e leaise ko koutou ala e masau loa, kae ko le Laumalie Maokioki o lokoutou Tamana leia e masau loa ia koutou.

Mateo 10:20 ပူးပေါင်းရင်းမြစ်များ

Lua tosi a Samuele 23:2

E masau le Laumalie o le Eteleno iate au, Ti e teki lana folafola i loku alelo.

Ekesote 4:12

Ke ke ano, e kau nofo loa mo lou gutu, ti e kau ako loa kiate koe le nea leia e tonu ke ke fakasa.

Mateo 6:32

Talie ko nea fuli ana e afa e le kau pagani, kae e iloa e lokoutou Tamana i Selo e lotou aoga kia koutou.

Maleko 12:36

Talie na pati foki Tavite i le Laumalie Maokioki : Na pati le Aliki ki loku Aliki : Eke a koe i loku fetuu atamai, Okaku ke kau fakaliliu ou fili ko lou tekiaga vae.

Luka 11:13

Kapau loa, ko koutou, ala ko nea agaveli, e kotou poto i le soli o nea malilie ki akoutou fanau, pe feaki ake loa le lasi o le fia soli e le Tamana i Selo o le Laumalie Maokioki kia latou ala e kole ake ia kiate ia.

Luka 12:12

talie e ako atu loa e le Laumalie Maokioki kia koutou i le temi fai lena le nea leia e tonu ke kotou masau ki ai.

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Gaoi 13:9

Koia na apele ai loa Saulo, leia foki ko Paulo, i le Laumalie Maokioki, ti na tio fakamaumau loa a ia kiate ia, o pati :

Gaoi 2:4

Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.

Gaoi 28:25

I lolatou mavete i le loto kesekese, na fai loa e paulo le masau leinei e tasi : E maoki ai le masau a le Laumalie Maokioki ki otatou tamana i le gutu o le polofeta ko Esaia, o pati :

Gaoi 4:8

Ti ko Petelo, na apele i le Laumalie Maokioki, na pati loa kia latou : Kau pule o le kakai, mo kau fakamatuatua o Iselaele,

Gaoi 6:10

Kae na leaise lotou ma tatali ia le poto mo le Laumalie leia na masau ai a ia.

Lua tosi ki le kau Kolinto 13:3

talie e kotou afa se fakamaoki o le masau a Kilisito iate au, a ia leia e leaise gaegae kia koutou, kae e makeke ia koutou.

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Uluaki tosi a Petelo 1:12

Na fakasa loa kia latou ko nea ala na tuku kia latou ko ni nea, o leai kia latou totonu, kae kia koutou. Ti kua fakasa atu kia koutou a nea ana i le temi nei e latou ala na akonaki ia le Evaselio i le Laumalie Maokioki leia na kakau mei lagi, ti e oli le kau aselo ke tio ki ai.

Lua tosi a Petelo 1:21

talie na leaise folafola fua e tasi na tuku mei se finegalo o le tagata, kae na ekenaki e le Laumalie maokioki ni tagata ke lotou masau mei le Atua.