Maleko 9:7 - Tosi Tapu

⁷ Na au loa se ao o uufi latou, ti na sa loa se leo mei le ao : Ko ia leinei ko loku Alo alofaina : Kotou fakalogo kiate ia !

Maleko 9:7 ပူးပေါင်းရင်းမြစ်များ

Pesalemo 2:7

E kau fakasa loa le fono ; Na pati mai le Eteleno kiate au : Ko loku alo a koe ! Na kau fakatupu a koe i le aso nei.

Pesalemo 97:2

E takatakai a ia e ao mo le fakapouli, Ko le faitotonu mo le maoki ko fakavae o lona ekeekeaga fakasau.

Ekesote 24:16

Na ifo loa le kololia o le Eteleno ki le mauga o Sinai, ti na uufi loa e le ao a ia i aso e ono. I le fitu o aso, na kalaga loa le Eteleno kia Moisese mei le ao.

Ekesote 40:34

Ti na uufi loa e le ao le falela tapu, ti na fakaapele loa e le kololia o le Eteleno le tapenakulo.

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Mateo 27:43

Na fanaki a ia ki le Atua, ke saofaki a ia e le Atua i le lakaga nei, mo kapau e alofa le Atua kiate ia. Talie na pati a ia : Ko le Alo au o le Atua !

Mateo 27:54

Ko le setulio mo latou ala na nonofo mo ia o leo Sesu, na tio loa ki le mafuike ti mo nea fuli ala na soko, na i lasi loa, o pati : E maoki ai, ko le tagata leinei ko le Alo a ia o le Atua.

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Maleko 1:11

Ti na fakasa loa e se leo mei le lagi a folafola anei : Ko loku Alo alofaina a koe, leia kua kau tuku ki ai loku alofa katoa.

Maleko 9:6

Na leaise iloa e ia se masau ke fai, talie na lotou i lasi ai.

Maleko 9:8

Ti fokifa, kua fetioaki le kau tisipulo, ti na leaise lotou toe tio ki se tasi, ko Sesu fai toka tasi.

Luka 3:22

ti na ifo loa le Laumalie Maokioki kiate ia o fakaata ki se lupe. Ti na fakasa loa e se leo mei le lagi, o pati : Ko koe ko loku Alo alofaina, ti ko koe leia kua kau tuku ki ai loku alofa katoa.

Soane 1:34

Ti na kau tio, ti na kau fakamaoki ko le Alo a ia o le Atua.

Soane 1:49

Na tali loa Natanaele, o toe pati : Pule, ko koe ai ko le Alo o le Atua, ko le Sau o Iselaele.

Soane 12:28

Tamana, fakakololia lou suafa ! Ti na au loa se leo mei le lagi : Kua kau fakakololia a ia, ti e kau toe fakakololia loa a ia.

Soane 19:7

Ti na tali loa le kau Sutea kiate ia : E i ai lamatou lao ; ti i lamatou lao, e tonu ke mate a ia, talie na pati a ia ko le Alo a ia o le Atua.

Soane 20:31

Kae kua tosi a nea anei o tupu ke kotou tui ko Sesu ko le Kilisito, ko le Alo o le Atua, ti ke kotou maua le mauli i lona suafa ki lakoutou tui.

Soane 5:18

Koia na toe asilisili faiga ai le kau Sutea ke tamate a ia, o leaise tupu fua na maumaui e ia le sapato, kae na pati a ia ko le Atua ko lona Tamana totonu, o fakatatau a ia ki le Atua.

Soane 5:37

Ti ko le Tamana leia na kakau ia mai au na fakamaoki totonu kiate au. Na leaise kotou logo fua ki lona leo i se aso, pe tio ki ona mata,

Soane 6:69

Ti kua motou tui, ti kua motou iloa ko le Kilisito a koe, ko le Sagato o le Atua.

Soane 9:35

Na logo loa Sesu na lotou kapu a ia ; ti e i lana felavei mo ia, na pati loa a ia kiate ia : Pe ke tui ki le Vosa o le Atua ?

Gaoi 1:9

I le oki o lana fakasa le nea lena, na ave loa a ia ki lagi, kae lotou lolotoga tio kiate ia, ti na fakamunia loa a ia e se ao ki olatou mata.

Gaoi 7:37

Ko le Moisese lena, leia na pati loa ki vosa o Iselaele : E fakatuu ake loa kia koutou e le Atua i okoutou fetaina se polofeta ofaipe au.

Gaoi 8:36

I le soko atu o lola fanoga, na la felavei loa mo se vai. Ti na pati loa le enuke : Ko leinei se vai, kolea ka taofi ia loku papitema ?

Loma 1:4

leia na fakasa fakamakeke ko le Alo o le Atua e le Laumalie Maokioki i lana toe tuuake mei le kau mate, Sesu-Kilisito, lotatou Aliki ;

Epelo 2:1

Koia e tonu ai ke tou asilisili pipiki ki nea ala kua tou logo ki ai, ke aua na tou tafea mamao meia latou i se aso.

Lua tosi a Petelo 1:17

Talie na maua e ia le fakamauiga mo le kololia mei le Atua ko le Tamana, i le lakaga leia na fakasa ai e lona kololia kiate ia se leo leia na pati : Ko loku Alo alofaina leinei, leia kua kau tuku ki ai loku alofa katoa.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.

Apokalipisi 1:7

Ko leinei, e au a ia mo ni ao. Ti e tio loa kiate ia a mata fuli, ti mo latou foki ala na sokai ia a ia ; ti e tagi mamae loa a faasiga fuli o le malama nei o tupu ko ia. Io. Amene !