Maleko 9:43 - Tosi Tapu

⁴³ Kapau e fakasalai a koe e lou lima, tuuti a ia ; e malie ake lau ulu lima mutu ki le mauli, i lau maua ni lima e lua kae ti loa a koe ki Ifeli, ki le afi leia e leaise toe mate ;

Maleko 9:43 ပူးပေါင်းရင်းမြစ်များ

Sopo 20:13

E taupau e ia a ia o fualoa, Ti e leaise toe tiaki e ia a ia, kae tuku e ia a ia i loto o lona gutu.

Esaia 1:31

E fai loa le tagata makeke pe le taenato, Ti ko lana gaoi pe se masikai afi ; E la ulaula loa, leia mo leia fakatasi, Ti e leai loa se tasi ke tamate ia.

Selemia 4:4

Kotou silikosisio koutou ki le Eteleno, kotou silikosisio okoutou loto, Tagata o Suta ti mo le kakai o Selusalemi, O tupu ke aua na natu kia koutou loku sausau ofaipe se afi, Ti ke aua na vela a ia, kae e leaise feala ke toe tamate, O tupu ko le veli o akoutou gaoi.

Mateo 17:27

Kae, o tupu ke aua na lotou siga, ano ki le tai, o ti le matau, ti ke toso mai le uluaki ika leia ka au loa ; fakamavaa lona gutu, ti e ke maua loa se fa setatele. Too a ia, ti ke soli a ia kia latou ma aku mo koe.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Maleko 9:44

I le ganea lena e leaise toe mate ai loa le ilo ti e leaise toe tamate ai loa le afi.

Luka 14:13

Kae, ka ke fai se kaitasi, fakaafe le kau mativa, mo le kau maimoa, mo le kau kito, mo le kau kivi.

Luka 14:21

Na toe liliu loa le tagata fakasausau ki lona pule, o fakamatala kiate ia a nea fuli ana. Ti na itaita loa le pule o le fale, o pati ki lana tagata fakasausau : Ano fakatavili ki lapalasi ti mo ala o le kolo, o taki mai ki leinei le kau mativa, mo le kau maimoa, mo le kau kivi, ti mo le kau kito.

Luka 3:17

E too e ia i lona lima lana laakau sasa fulumeto ; e fakamea loa e ia lona sasaaga fulumeto, ti e tanaki loa e ia le fulumeto ki lona fale tanaki magiti, kae e tutu loa e ia a kaui fulumeto i se afi leia e leaise toe mate loa.

Loma 8:13

Kapau e kotou mauli o mulimuli ki le kanofi, e kotou mamate loa ; kae kapau i le Laumalie e kotou tamate a gaoi o le tino, e kotou mauli loa.

Uluaki tosi ki le kau Kolinto 9:27

Kae e kau fai fakaveliveli loku tino, ti e kau pulei fakamakeke a ia, o tupu na tiaki loa au i le oki o laku fakasa ia le Evaselio ki le kakai.

Kalate 5:24

Ko latou ala e nonofo ia Sesu-Kilisito, kua lotou tutuki ki le koluse le kanofi mo ona alofa ti mo ona oli.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Tito 2:12

E ako mai e ia kia tatou ke tiaki le aga lee fakaatua mo olioli fakamalama, kae ke tou mauli i le sekulo leinei o mulimuli ki le poto, mo le maokioki, ti mo le agamalie ki le Atua,

Epelo 12:1

Koia, ko tatou foki, o tupu kua takatakai tatou e se ao lasi o ni tagata fakamaoki, ke tou tiaki a kavega mamafa fuli, ti mo le agasala leia e pipiki gaofie kia tatou, ti ke tou makape i le kataki fualoa i le malae leia kua fakamavaa mai kia tatou,

Uluaki tosi a Petelo 2:1

Koia kotou tiaki ai a agaveli fuli, mo kaka fuli, mo malualoi, mo finenonofo, ti mo fatufatu fuli,