Maleko 9:41 - Tosi Tapu

⁴¹ Ti ko leia e soli ia loa kia koutou i loku suafa se ipu vai ke inu, talie e kotou kau kia Kilisito, e kau pati maoki atu kia koutou, e leaise toe puli loa lona fakapale.

Maleko 9:41 ပူးပေါင်းရင်းမြစ်များ

Mateo 10:42

Ti ko leia e soli ia loa se ipu vai momoko e tasi ki se tasi i toe liliki anei talie ko laku tisipulo a ia, e kau pati maoki atu kia koutou, e leaise puli loa lona fakapale.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Maleko 4:10

I lana to toka tasi mo latou, na vesili loa kiate ia latou ala na takatakai ia a ia ti mo le tino agafulu tupu lua ki le uiga o le folafola fakatata lena.

Loma 14:15

Kae kapau e mamae lou taina o tupu ko se nea kai, e leaise koi ke saele i le alofa : Aua na ke fakatupu i lau nea kai le puli o leia na mate ki ai Kilisito.

Loma 8:9

Kia koutou, e leaise kotou mauli o mulimuli ki le kanofi, kae o mulimuli ki le Laumalie, mo kapau e nofo maoki ia koutou le Laumalie o le Atua. Kapau e leaise maua e se tasi le Laumalie o Kilisito, e leaise kau a ia kiate ia.

Uluaki tosi ki le kau Kolinto 15:23

kae e tasi nofo loa i lona tuuaga : ko le uluaki fua ko Kilisito, ti oki ko latou ala e kau ia Kilisito i lana toe liliu mai.

Uluaki tosi ki le kau Kolinto 3:23

Ko nea fuli a koutou ; ti ko koutou a Kilisito, ti ko Kilisito a le Atua.

Lua tosi ki le kau Kolinto 10:7

E kotou tio ki le nea leia e sa i tafa ! Kapau e pati se tasi e kau a ia kia Kilisito, ke pati a ia iate ia totonu, kapau e kau maoki a ia kia Kilisito, ko maua foki e ma kau kia Kilisito.

Kalate 3:29

Ti kapau e kotou kau kia Kilisito, ti ko le sakoga loa koutou o Apalaamo, ko fanau mau tofiga o le fakapapau.

Kalate 5:24

Ko latou ala e nonofo ia Sesu-Kilisito, kua lotou tutuki ki le koluse le kanofi mo ona alofa ti mo ona oli.