Maleko 9:37 - Tosi Tapu

³⁷ Ko leia e tali ia i loku suafa se tasi o toe liliki anei, e tali e ia a au totonu ; ti ko leia e tali ia a au, e leaise ko au fua leia e tali e ia, kae ko leia foki na kakau ia mai au.

Maleko 9:37 ပူးပေါင်းရင်းမြစ်များ

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Maleko 9:36

Ti na too loa e ia se ga toe ikiiki, o fakatuu a ia i loto malie o latou : ti na luluku loa e ia a ia i ona lima, o pati kia latou :

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Luka 9:48

ti na pati loa a ia kia latou : Ko leia e tali ia i loku suafa le ga toe leinei e tali e ia a au totonu ; ti ko leia e tali ia a au e tali ia leia na kakau ia mai au. Talie ko leia e ikiiki ia koutou fuli, ko ia leia e lasi.

Soane 10:30

Ko au mo le Tamana e ma toka tasi.

Soane 13:20

E maoki, e maoki, e kau pati atu kia koutou, ko leia e tali ia leia e kau kakau ia loa, e tali e ia au ; ti ko leia e tali ia au, e tali e ia leia na kakau ia mai au.

Soane 5:23

o tupu ke fakaapaapa fuli ki le Alo ofaipe lalatou fakaapaapa ki le Tamana. Ko leia e leaise fakaapaapa ki le Alo, e leaise fakaapaapa a ia ki le Tamana leia na kakau ia mai le Alo.

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.