Maleko 9:29 - Tosi Tapu

²⁹ Na pati loa Sesu kia latou : Koi mafai ke mavae le tau temonio lena i le faikole.

Maleko 9:29 ပူးပေါင်းရင်းမြစ်များ

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Mateo 12:45

Ti e ano a ia, o aumai ni iki ake laumalie veli e fitu ala e itaita ake iate ia ; ti e lotou ulu ki le fale, o nonofo i ai, ti e veli ake loa le mauli fakamuli o le tagata lena i le uluaki. E toe fenaaki loa le tautupu agaveli leinei.

Mateo 17:20

Na pati loa Sesu kia latou : E tupu ko lokoutou tui gataa. E kau pati maoki atu kia koutou, kapau e kotou maua se tui ofaipe se fuai sinapi ; e kotou pati loa ki le mauga lena : Mataaki i leinei ki leia, ti e mataaki loa a ia ; e leaise toe faigataa loa se nea kia koutou.

Mateo 17:21

Ti koi mavae le faasiga temonio lena i le faikole mo le sesunio.

Maleko 9:28

I le ulu a Sesu ki le fale, na vesili loa ana tisipulo kiate ia : Kolea na leaise mafai ai ke motou kapu le laumalie lena ?

Maleko 9:30

Na lotou mavae loa i ai, ti na lotou fakalaka loa i Kalilea. Na leaise loto Sesu ke iloa a ia.

Luka 11:26

Ti e ano loa a ia o taki mai ni iki ake laumalie e fitu ala e agaveli ake iate ia ; ti e lotou ulu loa ki le fale o nonofo i ai, ti e veli oki ake loa le mauli fakamuli o le tagata lena i le uluaki.

Gaoi 14:23

Na la fakanofo loa kia latou ni kau fakamatuatua i Ekelesia taki tasi, ti i le oki o le faikole mo le sesunio, na la tuku loa latou ki le Aliki leia kua lotou tui ki ai.

Uluaki tosi ki le kau Kolinto 9:27

Kae e kau fai fakaveliveli loku tino, ti e kau pulei fakamakeke a ia, o tupu na tiaki loa au i le oki o laku fakasa ia le Evaselio ki le kakai.

Lua tosi ki le kau Kolinto 11:27

Na kau fai ni gaoi pakia mo mamae, o tau mo ni alaala pouli lasi ai, mo le fia kai, mo le fia inu, mo ni sesunio liuliuga, mo le momoko, ti mo le mativa.

Lua tosi ki le kau Kolinto 12:8

Ti na tua tolu laku kole ki le Aliki ke fakamamao le nea lena iate au,

Lua tosi ki le kau Kolinto 6:5

i sasa, i pilisoni, i maveuveu, i gaoi pakia, i alaala pouli, i sesunio ;

Efeso 6:18

Kotou fai i temi fuli i le Laumalie a kole kesekese fuli ti mo ni tagi. Kotou tokaga ki le nea lena mo se kataki fualoa katoa, ti kotou ulufaki le kau sagato fuli.

Sakopo 5:15

Ti ko le faikole i le tui e fakamauli ia loa le masaki, ti e fakatuu loa a ia e le Aliki ; ti kapau na fai e ia ni agasala, e fakamolemole loa kiate ia.