Maleko 9:27 - Tosi Tapu

²⁷ Kae na too loa e Sesu le lima o le toe, o fakatuu a ia ki aluga. Ti na tuu ake loa le toe ki aluga.

Maleko 9:27 ပူးပေါင်းရင်းမြစ်များ

Esaia 41:13

Talie ko au ko le Eteleno, lou Atua, Leia e fakamakeke ia lou lima atamai, Leia e pati atu kiate koe : Aua na ke i ki se nea, E kau au o tokoi kiate koe.

Mateo 9:25

I le oki o le kakau o le kakai, na ulu loa a ia ki loto, ti na too loa e ia le lima o le taine, ti na tuu ake loa le taine ki aluga.

Maleko 1:31

Ti na fakafeofi ake loa Sesu kiate ia, ti na too loa e ia lona lima o fakatuu a ia ki aluga, ti na puli loa le vela i le lakaga fai lena. Ti na tausi loa le fafine kia latou.

Maleko 1:41

Na aloalofa loa Sesu kiate ia, ti na falo loa e ia lona lima, o fafa ki le tagata, o pati : E kau loto ki ai, ke ke mea.

Maleko 5:41

Na too loa e Sesu le lima o le toe, o pati kiate ia : Talitha koumi, ko lona uiga : E kau pati atu, taine, tuu ki aluga !

Maleko 8:23

Na too loa e Sesu le kivi i lona lima, o taki a ia ki le tua kolo ; ti na takai loa e ia a mata o le kivi ki lona savale, ti na teki loa e ia ona lima kiate ia, ti na vesili loa a ia ki le kivi. Pe ke tio ki se nea ?

Maleko 9:26

Ti na mavae loa le laumalie veli, o taukalaga, ti mo lu fakaveliveli ia le toe. Na liliu loa le toe ofaipe se tasi kua mate, o pati ai le toka api kua mate a ia.

Maleko 9:28

I le ulu a Sesu ki le fale, na vesili loa ana tisipulo kiate ia : Kolea na leaise mafai ai ke motou kapu le laumalie lena ?

Gaoi 23:19

Ti na too loa e le pule solia le tupulaga i lona lima o taki kese, ti na vesili loa a ia kiate ia : Kolea le nea leia e ke fia fakasa mai kiate au ?

Gaoi 3:7

Ti na too loa e Petelo lona lima atamai, o fakatuu a ia ki aluga. I le temi fai lena, na makeke loa ona vae mo ona fatuvae ;

Gaoi 9:41

Ti na falo loa e Petelo lona lima kiate ia, o fakatuu ake a ia ki aluga. Na kalagai loa e ia le kau sagato mo le kau fafine lokonui, o tuku kia latou a Tapita kua mauli.