Maleko 9:25 - Tosi Tapu

²⁵ I le tio a Sesu ki le fekapu mai a le kakai, na valoki loa e ia le laumalie veli, o pati kiate ia : Laumalie gutu mate mo tulituli, e kau fakatotonu atu kiate koe, mavae i le toe lena, ti aua na ke toe ulu kiate ia.

Maleko 9:25 ပူးပေါင်းရင်းမြစ်များ

Sakalia 3:2

Na folafola loa le Eteleno kia Satana : Ke valoki a koe, Satana, e le Eteleno ! Ke valoki a koe e le Eteleno, leia kua filifili ia Selusalemi ! Pe leaise ko se ugaafi kaka a koe kua tatai mei le afi ?

Mateo 12:22

Ti na aumai loa kiate ia se tagata avagaia leia na kivi mo gutu mate, ti na fakamauli loa a ia e Sesu, ti na masau loa mo tio loa le gutu mate.

Mateo 17:18

Na valoki loa e Sesu le temonio, ti na mavae loa a ia iate ia, ti na mauli loa le toe i le ola lena.

Maleko 9:15

I le tio a le kakai kia Sesu, na ofolele a ia, ti na makape mai loa a ia o fakafelavei kiate ia.

Maleko 9:24

I le lakaga fai lena na tagi loimata loa le tamana o le toe, o pati : E kau tui ! Au o saofaki au i loku tui gataa !

Maleko 9:26

Ti na mavae loa le laumalie veli, o taukalaga, ti mo lu fakaveliveli ia le toe. Na liliu loa le toe ofaipe se tasi kua mate, o pati ai le toka api kua mate a ia.

Luka 11:14

Na kapu loa e Sesu se temonio i se tagata gutu mate. I le mavae a le temonio, na masau loa le tagata gutu mate, ti na punamauli ai le fenua.

Luka 4:35

Na valoki loa e Sesu le laumalie veli, o pati kiate ia : Fakaleemu, ti ke mavae i le tagata lena. Na ti loa e le temonio le tagata ki loto malie o le fakatasi, ti na masau loa a ia meiate ia, kae na leaise fai loa e ia se nea veli ki le tagata.

Luka 4:41

Na mavae foki ni temonio mei ni kakai toka api, o taukalaga mo pati : Ko Alo a koe o le Atua. Kae na valoki latou e Sesu ti na leaise fakataga e ia ke lotou masau, talie na lotou iloa ko le Kilisito a ia.

Luka 8:29

Talie kua fakatotonu e Sesu ki le laumalie veli ke mavae mei le tagata lena, leia kua fualoa lona too e le laumalie veli : Ti kua tua lasi le saisai o ona lima ki ni tini, mo ona vae ki ni kaui ukamea, kae na motumotusi e ia a sai, ti na ave a ia e le laumalie veli ki ganea lavaki.

Luka 9:42

I lana fakafeofi ake, na ti loa a ia e le temonio ki le kele, ti na lu fakaveliveli loa e ia a ia. Kae na valoki loa e Sesu le laumalie veli, ti na fakamauli loa e ia le toe, o tuku a ia ki lona tamana.

Gaoi 16:18

Ti na fai loa e ia le nea lena i le lolotoga o ni aso mauke ai. I lona kaekae, na mafuli ake loa Paulo o pati ki le temonio : E kau fakatotonu atu kiate koe, i le suafa o Sesu-Kilisito, mavae meiate ia. Ti na mavae aifai le laumalie.

Suta 1:9

Kae na leaise fai fua le nea lena e le alekaselo ko Mikaele. I lana fefele mo le Tiapolo ki le tino o Moisese, na leaise fai e ia se masau nukinuki ki le Tiapolo ; kae na pati a ia : ke lolomi a koe e le Atua !