Maleko 9:24 - Tosi Tapu

²⁴ I le lakaga fai lena na tagi loimata loa le tamana o le toe, o pati : E kau tui ! Au o saofaki au i loku tui gataa !

Maleko 9:24 ပူးပေါင်းရင်းမြစ်များ

Lua tosi a Samuele 16:12

E lagi tio loa le Eteleno ki loku fakaaloalofa, ti e fai loa e ia kiate au le nea e malie o fetogi ai loku fakamalaia i le aso nei.

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Pesalemo 126:5

Ko latou ala e muluki ia le fakaili mo ni loimata E tuuti ia loa le fulumeto mo ni sua fakanekenekea.

Pesalemo 39:12

E ke ako le tagata o tautea a ia i lana agaveli ; E ke maumau ofaipe se ugogo, le nea leia e alofa lasi ki ai. Io, ko tagata fuli ko se tukumanava. - Manava.

Selemia 14:17

Fakasa kia latou le folafola lena : E tafe a loimata i oku mata i le po mo le ao, Ti ke leaise toe gato lona sali, Talie ko le taine taupoou o loku kakai na taai o veli, E mamae ai lona lavea.

Maleko 9:23

Na pati loa Sesu kiate ia : Kapau e ke mafai !… E feala a nea fuli ki leia e tui.

Maleko 9:25

I le tio a Sesu ki le fekapu mai a le kakai, na valoki loa e ia le laumalie veli, o pati kiate ia : Laumalie gutu mate mo tulituli, e kau fakatotonu atu kiate koe, mavae i le toe lena, ti aua na ke toe ulu kiate ia.

Luka 17:5

Na pati loa le kau apositolo ki le Aliki : Fakalasi lamatou tui.

Luka 7:38

ti na ano loa a ia o nofo i vae o Sesu, mei muli. Na tagi a ia, ti na kamata fakasusu loa e ia a vae o Sesu ki ona loimata, ti na solo loa e ia laua ki lona lauulu, o sogi ki ai, ti na takai loa e ia laua ki le kaloni.

Luka 7:44

Ti na mafuli loa Sesu ki le fafine, mo pati kia Simone : E ke tio ki le fafine leinei ? Na kau ulu mai ki lou fale, ti na leaise ke soli mai kiate au se ga vai ke fufulu ai oku vae ; kae ko ia, kua fakasusu e ia laua ki ona loimata, ti kua solosolo e ia laua ki lona lauulu.

Gaoi 10:19

I le fakakaukau a Petelo ki le nea leia na tio ki ai, na pati loa le Laumalie kiate ia : Ko nei ni tagata e toka tolu e afa ia a koe ;

Gaoi 10:31

Kolenelio, kua tali lau kole, ti kua manatui e le Atua au nea alofa.

Lua tosi ki le kau Kolinto 2:4

E kau fai tosi atu kia koutou i se loto mamae lasi ai, mo se loto tuania, ti mo ni loimata lasi ai, o leaise tupu ke kotou mamae ai, kae o tupu ke kotou iloa le alofa lasi leia e kau maua kia koutou.

Efeso 2:8

Talie na fakamauli koutou i le kalasia, ki le tui. Ti e leaise au le nea lena meia koutou, ko le nea alofa a ia o le Atua ;

Filipe 1:29

ti e au le nea lena mei le Atua, talie kua tuku atu kia koutou le kalasia, o tupu ko Kilisito, ke aua na gato fua i lakotou tui kiate ia, kae ke kotou toe mamae foki o tupu ko ia,

Lua tosi ki le kau Tesalonika 1:11

Koia foki leia e motou faikole tuumau ai kia koutou, o tupu ke lau koutou e lotatou Atua e kotou gali mo lana kalaga, ti ke fakasoko e ia i lona mafimafi a fakatuutuu malilie fuli o lona agamalie, ti ke fakakatoa e ia le gaoi o lakoutou tui ;

Lua tosi ki le kau Tesalonika 1:3

E tonu, fetaina, ke motou fakafetai tuumau ki le Atua o tupu ko koutou, ti e totonu le nea lena, talie e saele lasi ki mua lakotou tui, ti e tuputupua lokoutou fealofani fakatautaina.

Lua tosi kia Timoteo 1:4

talie e kau manatui ou loimata, ti e kau oli mamae ke kau toe tio kiate koe o tupu ke kau apele i le fiafia,

Epelo 12:17

E kotou iloa, ki muli ake, na toe fia maua loa e ia le tapuaki, kae na tiaki loa a ia, logo ai lana afa a ia i ni tagi loimata ; talie na leaise mafai loa e ia ke toe fakaliliu a manatu loto o lona tamana.

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.