Maleko 9:23 - Tosi Tapu

²³ Na pati loa Sesu kiate ia : Kapau e ke mafai !… E feala a nea fuli ki leia e tui.

Maleko 9:23 ပူးပေါင်းရင်းမြစ်များ

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Mateo 14:29

Ti na pati loa a ia : Au ! Na sopo loa Petelo mei le vaka, ti na saele loa a ia i aluga o le tai, o ano kia Sesu.

Mateo 17:20

Na pati loa Sesu kia latou : E tupu ko lokoutou tui gataa. E kau pati maoki atu kia koutou, kapau e kotou maua se tui ofaipe se fuai sinapi ; e kotou pati loa ki le mauga lena : Mataaki i leinei ki leia, ti e mataaki loa a ia ; e leaise toe faigataa loa se nea kia koutou.

Maleko 11:23

E kau pati maoki atu kia koutou, kapau e pati se tasi ki le mauga lena : Mavae mei lena, o vilo ki le tai, ti kapau e leaise lotolotolua fua a ia i lona loto, kae tui a ia e soko le nea leia e pati a ia ki ai, ti e tio loa a ia ki le soko o le nea lena.

Maleko 9:22

Ti kua tua lasi lona tau ti e le laumalie veli ki le afi mo le vai ke tamate a ia. Kae kapau e ke mafai se nea kiate ia, au o saofaki maua, alofa mai kia maua.

Maleko 9:24

I le lakaga fai lena na tagi loimata loa le tamana o le toe, o pati : E kau tui ! Au o saofaki au i loku tui gataa !

Luka 17:6

Na pati loa le Aliki : Kapau e lasi lakoutou tui ofaipe se fatui sinapi, e kotou pati loa ki le sikomole lena : Mataaki a koe, o vilo ki le moana ; ti e fakalogo atu loa a ia kia koutou.

Soane 11:40

Na pati loa Sesu kiate ia : Pe na leaise kau pati atu kiate koe, kapau e ke tui, ti e ke tio loa ki le kololia o le Atua ?

Gaoi 14:9

Na fakalogo a ia ki le masau a Paulo, leia na tio fakamaumau loa kiate ia, o iloa loa e ia kua maua e ia le tui ke mauli ai,

Epelo 11:6

Io, sala mo le tui, e leaise feala ke malie se tasi ki le Atua ; e tonu ko leia e fakafeofi ki le Atua ke tui a ia e i ai se Atua, ti ko ia leia e fakapale ia latou ala e afa ia a ia.