Maleko 9:22 - Tosi Tapu

²² Ti kua tua lasi lona tau ti e le laumalie veli ki le afi mo le vai ke tamate a ia. Kae kapau e ke mafai se nea kiate ia, au o saofaki maua, alofa mai kia maua.

Maleko 9:22 ပူးပေါင်းရင်းမြစ်များ

Mateo 14:31

I le temi fai lena na falo loa e Sesu lona lima o too a ia, ti na pati loa a ia kiate ia : Tagata tui gaegae, kolea na ke lotolotolua ai ?

Mateo 17:15

Aliki, alofa mai ki loku vosa, leia e galigalivale, ti e mamae lasi ai ; e tau vilo a ia ki le afi mo le vai.

Mateo 20:34

Na aloalofa loa Sesu kia laua, ti na fafa loa a ia ki ola mata ; ti na la tio loa i le lakaga fai lena, ti na la muli loa iate ia.

Mateo 8:2

Ti ko leinei, na fakafeofi ake loa se tagata kilia o tulolo i ona mua, o pati : Aliki, kapau e ke loto ki ai, e mafai ke ke fakamea au.

Mateo 9:28

I lana kaku ki fale, na fakafeofi mai le sa tagata kivi kiate ia, ti na pati loa Sesu kia laua : Pe kolua tui e kau mafai ia le nea lena ? Ti na la tali loa kiate ia : Io, Aliki.

Maleko 5:19

Na leaise fakataga loa e Sesu kiate ia le nea lena, kae na pati loa a ia kiate ia : Ano ki lou fale, ki lou famili, ti ke fakamatala kia latou a nea fuli ala na fai e le Aliki kiate koe, pe na feaki lona manavaalofa kiate koe.

Maleko 9:21

Na vesili loa Sesu ki le tamana : Pe kua fualoa le soko o le nea leinei kiate ia ? Ti na tali loa le tamana : Talu mei lona ikiiki.

Maleko 9:23

Na pati loa Sesu kiate ia : Kapau e ke mafai !… E feala a nea fuli ki leia e tui.

Luka 7:13

I le tio a le Aliki ki le fafine, na manavaalofa loa a ia kiate ia, o pati : Aua na ke tagi !