Maleko 9:20 - Tosi Tapu

²⁰ I le lakaga fai leia na tio ai le toe kia Sesu, na lu fakaveliveli loa a ia e le laumalie veli ; ti na teka loa a ia, o takafiti i le kele, ti na piau loa lona gutu.

Maleko 9:20 ပူးပေါင်းရင်းမြစ်များ

Maleko 1:26

Ti na mavae loa le laumalie veli i le tagata lena, i le oki o lana lu fakaveliveli a ia, ti mo lana tagi leo lasi.

Maleko 9:18

I ganea fuli e too ai a ia e le laumalie veli, e ti e ia a ia ki le kele, ti e piau a gutu o le fanau, ti e fetati mo ona nifo, ti e liliu a ia o fefeka katoa. Na kau kole ki au tisipulo ke lotou kapu le laumalie veli, kae na leaise lotou mafai.

Maleko 9:19

Na pati loa Sesu kia latou : Lanu tui gataa, e kaku loa kiafea laku nofo mo koutou ? E kaku loa kiafea laku katakii koutou ? Aumai le toe kiate au. Ti na aumai loa le toe kiate ia.

Maleko 9:21

Na vesili loa Sesu ki le tamana : Pe kua fualoa le soko o le nea leinei kiate ia ? Ti na tali loa le tamana : Talu mei lona ikiiki.

Maleko 9:26

Ti na mavae loa le laumalie veli, o taukalaga, ti mo lu fakaveliveli ia le toe. Na liliu loa le toe ofaipe se tasi kua mate, o pati ai le toka api kua mate a ia.

Luka 4:35

Na valoki loa e Sesu le laumalie veli, o pati kiate ia : Fakaleemu, ti ke mavae i le tagata lena. Na ti loa e le temonio le tagata ki loto malie o le fakatasi, ti na masau loa a ia meiate ia, kae na leaise fai loa e ia se nea veli ki le tagata.

Luka 8:29

Talie kua fakatotonu e Sesu ki le laumalie veli ke mavae mei le tagata lena, leia kua fualoa lona too e le laumalie veli : Ti kua tua lasi le saisai o ona lima ki ni tini, mo ona vae ki ni kaui ukamea, kae na motumotusi e ia a sai, ti na ave a ia e le laumalie veli ki ganea lavaki.

Luka 9:39

E too a ia e se laumalie veli, ti fokifa e kalaga a ia ; ti e lu fakamakeke a ia e le laumalie veli, o fakapiau ona gutu, ti mo lomi fakaveliveli a ia i mua o lana mavae iate ia.

Luka 9:42

I lana fakafeofi ake, na ti loa a ia e le temonio ki le kele, ti na lu fakaveliveli loa e ia a ia. Kae na valoki loa e Sesu le laumalie veli, ti na fakamauli loa e ia le toe, o tuku a ia ki lona tamana.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.