Maleko 9:19 - Tosi Tapu

¹⁹ Na pati loa Sesu kia latou : Lanu tui gataa, e kaku loa kiafea laku nofo mo koutou ? E kaku loa kiafea laku katakii koutou ? Aumai le toe kiate au. Ti na aumai loa le toe kiate ia.

Maleko 9:19 ပူးပေါင်းရင်းမြစ်များ

Pesalemo 78:22

Talie na leaise lotou tui loa ki le Atua, Talie na leaise lotou fanaki loa ki lana tokoi.

Numelo 14:11

Ti na pati loa le Eteleno kia Moisese : E kaku loa kiafea le fakamamae o loku loto e le kakai leinei ? E oki loa afea lana tuigataa kiate au, logo ai a fakamailoga fuli o loku mafimafi ala kua kau fakatio a ia ki ai ?

Numelo 14:22

Ko latou fuli ala na tio ki loku kololia mo fakamailoga ala na kau fai i Esipito mo le toafa, ala kua asiasii ia au o tua kau agafulu o kaku mai ki le aso nei, talie na leaise lotou fakalogo ki loku leo,

Numelo 14:27

E kaku loa kiafea laku tuku le kakai agaveli leinei ke lalau kiate au ? Kua kau logo ki lalau o vosa o Iselaele ala na fai kiate au.

Mateo 17:17

Na tali loa Sesu : Lanu tui gataa mo aga fakalialia, e kaku loa kiafea laku nofo mo koutou ? E kaku loa kiafea laku kataki kia koutou ? Aumai a ia ki leinei.

Maleko 16:14

Ti na sili a ia, na toe sa loa Sesu ki le tino agafulu tupu tasi, kae lotou lolotoga kai ; ti na valoki loa e ia kia latou lolatou tui gataa mo le fefeka o olatou loto, talie na leaise lotou tui kia latou ala na tio kiate ia kua toe tuuake.

Maleko 9:18

I ganea fuli e too ai a ia e le laumalie veli, e ti e ia a ia ki le kele, ti e piau a gutu o le fanau, ti e fetati mo ona nifo, ti e liliu a ia o fefeka katoa. Na kau kole ki au tisipulo ke lotou kapu le laumalie veli, kae na leaise lotou mafai.

Maleko 9:20

I le lakaga fai leia na tio ai le toe kia Sesu, na lu fakaveliveli loa a ia e le laumalie veli ; ti na teka loa a ia, o takafiti i le kele, ti na piau loa lona gutu.

Luka 24:25

Ti na pati loa Sesu kia laua : Tagata sala atamai, ti mo tui gataa ki nea fuli ala kua fakasa e le kau polofeta !

Luka 9:41

Na tali loa Sesu : Lanu tui gataa mo agaveli, e kaku loa ki afea laku nofo mo koutou, mo laku kataki koutou ? Aumai ki leinei lou vosa.

Soane 12:27

I le lakaga nei kua mamae loku laumalie. Ti kolea e kau pati loa ki ai ? Tamana, saofaki au mei le ola leinei ?… Kae na kau au o tupu ko le ola lena o kaku mai ki le aso nei !

Soane 20:27

Ti na pati loa a ia kia Tomasi : Sosoaki mai lou maikao ki leinei, o tio ki oku lima ; sosoaki mai foki lou lima, o teki ki loku vakavaka ; ti aua na ke tui gataa, kae ke tui.

Tetelonome 32:20

Koia na pati ai loa e ia : E kau fufu loa oku mata kia latou, Ti e kau tio loa pe kolea le nea leia ka soko loa kia latou ; Talie ko se tautupu agatuu, Ko ni vosa ala e leaise feala ke fanaki ki ai.