Maleko 9:12 - Tosi Tapu

¹² Na tali loa Sesu kia latou : E maoki e tonu ke uluaki au mua Elia, o toe fakatonutonu a nea fuli. Ti kolea e tosi ai ki le Vosa o le tagata, e tonu ke mamae lasi a ia ti ke nukinukii a ia ?

Maleko 9:12 ပူးပေါင်းရင်းမြစ်များ

Pesalemo 74:22

Tuu ki aluga, ei Atua, o puipui lau gaoiaga ! Manatu ki lauveli ala na fai kiate koe e le tagata valea i aso fuli !

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Esaia 50:6

Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Esaia 52:14

Na fai a ia ki le toka api pe se nea fakaii, I le lasi o le fetogi o ona mata, I le lasi o le fetogi o lona tino, Talie na leaise koi fai a ia pe se tagata,

Sakalia 11:13

Na pati mai loa le Eteleno kiate au : Ti le siliva ki le tagata fai ipu, le totogi fulumalie lena na lotou fakafuafua au ki ai ! Ti na kau too loa a fa sikele paaga e kau tolu, ti na kau ti loa latou ki le fale o le Eteleno, ki le tagata fai ipu.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Malakia 4:6

E toe aumai loa e ia le loto o tamana ki alatou fanau, Ti mo le loto o fanau ki olatou tamana, Ti ke aua na kau au o taai le fenua ki le malaia.

Mateo 16:21

Talu loa mei ai na kamata fakasa loa e Sesu ki ana tisipulo e tonu ke ano a ia ki Selusalemi, ke mamae lasi a ia mei le kau fakamatuatua, mo le kau pule faisakilifisio ti mo le kau sekelipa, ke mate a ia, ti ke toe tuuake a ia i le tolu o aso.

Mateo 26:24

E ano le Vosa o le tagata, o mulimuli ki le nea leia kua tosi kiate ia. Kae malaia ki le tagata leia e fakatau ia le Vosa o le tagata ! E malie ake ke aua na tupu le tagata lena.

Maleko 10:33

Ko leinei, e tou pale ki Selusalemi, ti e fakatau loa le Vosa o le tagata ki le kau pule faisakilifisio ti mo le kau sekelipa. E lotou fakatuaa loa a ia ki le mate, ti e lotou tuku loa a ia ki le kau pagani,

Maleko 9:13

Kae e kau pati atu kia koutou kua au Elia, ti na lotou fai kiate ia le nea leia na lotou loto ki ai, o mulimuli ki le nea kua tosi kiate ia.

Maleko 9:31

Talie na akonaki a ia ki ana tisipulo, o pati kia latou : E tuku loa le Vosa o le tagata ki lima o tagata ; ti e lotou tamate loa a ia. Ti ka oki loa ni aso e tolu ki lona mate, e toe tuuake loa a ia.

Luka 1:76

Ti ko koe, ga toe, e fakaigoa loa a koe ko le polofeta o le Taualuga. Talie e ke saele loa i mua o le Aliki, o teuteu ona ala,

Luka 23:11

Na gologolo loa kiate ia a Elote, mo lana kau tuu matapa, ti na lotou nukinuki loa kiate ia, o fakakofu a ia ki se kofu gigila, ti na lotou toe kakau loa a ia kia Pilato.

Luka 23:39

Na nukinuki kiate ia se tasi o le sa tagata agaveveli ala na kulusifiko mo ia, o pati : Pe leaise ko le Kilisito a koe ? Saofaki a koe totonu, ti ke saofaki foki mo maua !

Gaoi 1:6

Ti na vesili loa kiate ia le kau apositolo leia na fakatasi : Aliki, pe ko le temi koia leinei e ke toe fakatuu ai loa le Puleaga o Iselaele ?

Gaoi 4:11

Ko Sesu Ko le fatu leia na tiaki e koutou ala na laga ia, Ti kua liliu a ia ko le fatu tafito o le agele.