Maleko 8:38 - Tosi Tapu

³⁸ Talie ko leia e luma loa kiate au mo aku folafola i loto malie o le tautupu fai feauaki mo agasala leinei, e luma loa le Vosa o le tagata kiate ia, mo ka au loa a ia i le kololia o lona Tamana, mo le kau aselo maokioki.

Maleko 8:38 ပူးပေါင်းရင်းမြစ်များ

Taniela 7:10

Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Sakalia 14:5

E kotou sosola loa i le vaivailiua o oku mauga, Talie e ano loa le vaivailiua o mauga o kaku ki Ateseli ; E kotou sosola loa ofaipe lakoutou sosola i mua o le mafuike, I le temi o Osiasi, sau o Suta. Ti e au loa le Eteleno, loku Atua, mo ana kau sagato fuli.

Mateo 12:39

Na tali loa a ia kia latou : E kole se milakulo e se tautupu agaveli mo fai feauaki ; e leaise toe tuku loa ki ai se tasi ake milakulo i leia o le polofeta ko Sonasi.

Mateo 13:41

E kakau loa e le Vosa o le tagata ana aselo, ke lotou taaki i lona Puleaga a nea fuli ala e fakatupu veli ti mo latou ala e fai ia a aga fakalialia :

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Mateo 16:28

E kau pati maoki atu kia koutou, ko ni iki ia latou ala e nonofo i leinei e leaise mamate loa, kae e leikiaise lotou tio ki le saele mai o le Vosa o le tagata i lona puleaga.

Mateo 16:4

E kole e se tautupu agaveli mo fai feauaki se milakulo ; e leaise toe tuku loa kiate ia se tasi ake milakulo i leia o Sonasi. Ti na tuku loa e ia latou, kae ano loa a ia.

Mateo 24:30

Ti e sa mai loa le fakamailoga o le Vosa o le tagata i le lagi, ti e fetagisi loa a faasiga fuli o le malama nei, ti e lotou tio loa ki le Vosa o le tagata e au i ao o le lagi mo se makeke ti mo se kololia lasi.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Mateo 26:64

Na tali loa Sesu kiate ia : Kua ke pati ki ai. Ti e tasi foki, e kau fakasa kia koutou, e kotou tio loa ki le Vosa o le tagata e nofo i le fetuu atamai o le mafimafi o le Atua, ti e au i ao o le lagi.

Mateo 8:20

Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Maleko 13:26

Ti fokifa e tio loa ki le Vosa o le tagata e ifo mai i le ao mo le makeke lasi ti mo le kololia.

Maleko 14:62

Na tali loa Sesu : Ko au ko le Kilisito. Ti e kotou tio loa ki le Vosa o le tagata e nofo i le lima atamai o le mafimafi o le Atua, ti mo saele mai i ao o le lagi.

Maleko 8:37

Kolea le nea e soli loa e se tagata ke fetogi ai lona laumalie ?

Luka 19:26

E kau pati atu kia koutou, e soli loa ki leia e maua, kae ki leia e nofo noa e toe too loa mo le nea foki leia e maua e ia.

Luka 9:26

Kapau e luma loa se tasi kiate au ti mo aku folafola, e toe luma loa le Vosa o le tagata kiate ia, mo ka au loa a ia i lona kololia ti mo leia o le Tamana mo le kau aselo maokioki.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:51

Na pati loa Sesu kiate ia : E maoki, e maoki, e kotou tio loa ki le lagi kua mavaa, ti mo le kau aselo a le Atua e pale mo ifo i aluga o le Vosa o le tagata.

Soane 12:34

Na tali loa le kakai kiate ia : Kua motou ako i le lao e nofo le Kilisito o lee gato ; e feaki loa lau pati : E tonu ke siki ake ki aluga le Vosa o le tagata mei le kele ? Ko ai le Vosa o le tagata lena ?

Soane 5:27

Kua soli e ia kiate ia le pule ki le fakamaau, talie ko le Vosa a ia o le tagata.

Gaoi 10:22

Ti na lotou tali loa : Ko Kolenelio, ko se setulio Loma, tagata agatonu mo alofa ki le Atua, leia kua fakamaoki ki ai le puleaga katoa o le kau Sutea, na fakasa kiate ia e le Atua i lana aselo maokioki ke aumai a koe ki lona fale, ke logo a ia ki au folafola.

Gaoi 5:41

Ti na ano loa le kau apositolo mei mua o le fono lasi i le fiafia, talie kua lotou aoga ki le tali o lauveli o tupu ko le suafa o Sesu.

Loma 1:16

Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Kalate 6:14

Kae kiate au, e mamao meiate au le manatu ke kau fakakololia i se tasi ake a nea kese, kae i le koluse o lotatou Aliki ko Sesu-Kilisito, leia kua tutuki ki ai le malama nei kiate au, ofaipe au kua tutuki ki le malama nei.

Tetelonome 33:2

Na pati a ia : Na au le Eteleno mei le mauga o Sinai. Na malaga ake a ia ki aluga o latou mei Seili, Na gigila a ia mei le mauga o Palani, Ti na au a ia mo le kau miliate maokioki, Ti na too e ia i lona lima atamai le afi o le lao.

Uluaki tosi ki le kau Tesalonika 2:19

Talie kolea lamatou amanaki malie, mo lomatou fiafia, ti mo lomatou pala o le kololia ? Pe leaise ko koutou foki i mua o lotatou Aliki ko Sesu, i le aso o lona toe liliu mai ?

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Lua tosi kia Timoteo 1:16

Ke liligi e le Aliki lona manavaalofa ki le fale o Onesifole, talie na fakapelepelei e ia loku loto o tua lasi, ti na leaise luma a ia ki oku tini ;

Lua tosi kia Timoteo 1:8

Koia ke aua na ke luma ki le fakamaoki ke tuku ki lotatou Aliki, pe kiate au ko lana tagata pilisoni. Kae ke ke mamae mo au o tupu ko le Evaselio, i le makeke o le Atua

Epelo 11:16

Kae ko leinei e lotou oli ki se fenua malie tukupau ake, leia i le lagi. Koia na leaise luma ai le Atua i lona fakaigoa a ia ko lolatou Atua, talie na teuteui e ia se kolo mo latou.

Epelo 11:26

Na tio loa a ia ki le matagafua o Kilisito ofaipe se koloa leia e lasi ake i koloa o Esipito, talie na pipiki ona mata ki le fakapale.

Epelo 13:13

Koia ke tou mavae o ano mo ia ki le tua kolo, o amo lona matagafua.

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Uluaki tosi a Soane 2:23

Ko leia e fakafiti ki le Alo e leaise maua foki e ia le Tamana ; ti ko leia e fakasa ia i le kaugamalie e kau a ia ki le Alo, e maua foki e ia le Tamana.

Uluaki tosi a Soane 2:28

Ti ko leinei, fanau liliki, kotou nonofo mau iate ia, o tupu ke tou loto makeke mo ka sa mai loa a ia, ti ke aua na tou luma loa i ona mua mo ka tiaki loa tatou ki mamao i lana toe liliu mai.

Apokalipisi 14:10

ti e inu loa e ia totonu le vino o le sausau o le Atua, leia kua liligi fakataufua ki le ipu o lona sausau ; ti e fakamamaei loa a ia i le afi mo le sulifa, i mua o le kau aselo maokioki ti mo mua o le Akeno.