Maleko 8:35 - Tosi Tapu

³⁵ Talie ko leia e loto loa ke saofaki e ia lona mauli e maumaui loa e ia a ia, kae ko leia e maumaui ia loa lona mauli o tupu ko au ti mo le logo malie e saofaki loa e ia a ia.

Maleko 8:35 ပူးပေါင်းရင်းမြစ်များ

Ekelesiasi 3:6

se temi ke afa ai, ti mo se temi ke puli ai ; se temi ke taupau ai, ti mo se temi ke tiaki ai ;

Mateo 10:22

E vesiainai loa koutou e le kakai fuli, o tupu ko loku suafa ; kae ko leia e kataki fualoa loa o kaku ki le fakaoki e saofaki loa.

Mateo 10:39

Ko leia e taupau ia loa lona mauli e fakapuli noa ia loa a ia, ti ko leia e fakapuli noa ia loa lona mauli o tupu ko au e toe maua ia loa a ia.

Mateo 16:25

Talie ko leia e fia saofaki ia lona mauli e fakapuli noa ia loa a ia, kae ko leia e fakapuli noa ia loa lona mauli o tupu ko au e toe maua ia loa a ia.

Mateo 19:29

Ti ko leia e tuku ia loa, o tupu ko loku suafa, ona fetaina, mo ona tuagaane, mo lona tamana, mo lona tinana, mo lona avaga, mo ana fanau, mo ona kele, mo ona fale, e maua loa e ia o liuga kau lelau, ti e maua tofiga loa e ia le mauli lee gato.

Maleko 8:36

Ti kolea lona aoga ki se tagata lana maua le malama nei katoa, kae pulinoa lona laumalie ?

Luka 17:33

Ko leia e afa ke saofaki lona mauli e fakapuli ia loa a ia, kae ko leia e fakapuli ia loa a ia e toe maua ia loa a ia.

Luka 9:24

Ko leia e loto ke saofaki ia lona mauli e fakapuli noa loa a ia, kae ko leia e fakapuli noa loa lona mauli o tupu ko au e saofaki ia loa a ia.

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Gaoi 21:13

Ti na tali loa Paulo : Kolea e kotou fai ia, o fetagisi ke fatii ai loku loto ? Talie kua kau teuteu, o leaise gato fua ke saisai au, kae ke kau toe mate foki i Selusalemi o tupu ko le suafa o le Aliki ko Sesu.

Gaoi 9:16

ti e kau fakasa loa kiate ia a nea fuli ala e tonu ke mamae ai o tupu ko loku suafa.

Uluaki tosi ki le kau Kolinto 9:23

E kau fai a nea fuli o tupu ko le Evaselio, o tupu ke kau kau ki ona koloa.

Lua tosi ki le kau Kolinto 12:10

Koia e kau fiafia i oku gaegae, mo oku lauvelii, mo oku mativa, mo oku fakavelivelii, mo oku mamae, o tupu ko Kilisito ; talie ka kau gaegae, ti e kau makeke loa.

Lua tosi kia Timoteo 1:8

Koia ke aua na ke luma ki le fakamaoki ke tuku ki lotatou Aliki, pe kiate au ko lana tagata pilisoni. Kae ke ke mamae mo au o tupu ko le Evaselio, i le makeke o le Atua

Epelo 11:35

Na toe maua loa e ni fafine olatou mate i le toe tuuake ; Ti na fakavelivelii loa ni iki, o leaise lotou tali loa se saofaki, o tupu ke maua se toe tuuake leia e malie tukupau ake ;

Apokalipisi 12:11

Ti na lotou malo iate ia, o tupu ko le toto o le Akeno, ti mo le folafola o lalatou fakamaoki, ti na leaise lotou alofa ki olatou mauli ke lotou i ai ki le mate.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.