Maleko 8:34 - Tosi Tapu

³⁴ Ti na kalagai loa e Sesu le kakai mo ana tisipulo, o pati kia latou : Ko leia e loto ke muli mai iate au, ke fakafiti a ia kiate ia totonu, ke amo e ia lona koluse, ti ke muli mai a ia iate au.

Maleko 8:34 ပူးပေါင်းရင်းမြစ်များ

Uluaki tosi o Sau 14:8

Na kau saei le puleaga mei le fale o Tavite o soli kiate koe. Ti na leaise ke fai pe laku tagata fakasausau ko Tavite, leia na tausi ia aku fakatotonu ti na saele i oku muli mo lona loto katoa, o fai le nea leia e totonu i oku mua.

Numelo 14:24

Kae ko laku tagata fakasausau ko Kalepo, talie na nofo iate ia se laumalie kese, ti na mulimuli katoa a ia i loku ala, e kau fakaulu loa a ia ki le fenua leia na ano ki ai, ti e maua loa a ia e lona sakoga.

Mateo 10:38

ko leia e leaise too ia lona koluse, ti e leaise muli mai iate au, e leaise gali a ia mo au.

Mateo 16:24

Na pati loa Sesu ki ana tisipulo : Ko leia e fia muli mai iate au, ke fakafiti a ia kiate ia totonu, ke amo e ia lona koluse, ti ke muli mai a ia iate au.

Mateo 27:32

I lalatou mavae mai, na lotou felavei loa mo se tagata mei Silene, leia na igoa ko Simone, ti na lotou fakamakeke loa a ia ke amo le koluse o Sesu.

Maleko 10:21

Na tio loa Sesu kiate ia, ti na alofa loa a ia kiate ia, o pati kiate ia : E puli le nea e tasi kiate koe ; ano, fakatau a nea fuli ala e ke maua, soli a ia ki le kau mativa, ti e ke maua loa se koloa i le lagi. Ti oki a ia, ti ke au, o muli mai iate au.

Maleko 7:14

Na toe kalagai loa e ia le kakai kiate ia, o pati : Kotou fakalogo fuli mai kiate au, ti kotou matala.

Luka 13:24

Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa.

Luka 14:33

Koia ko leia ia koutou e leaise fakafiti ki nea fuli ala e maua e ia, e leaise mafai ke liliu ko laku tisipulo.

Luka 18:22

I le logo a Sesu ki le nea lena, na pati loa a ia kiate ia : Koi puli fua kiate koe le nea e tasi : Fakatau a nea fuli ala e ke maua, tufa a ia ki le kau mativa, ti e ke maua loa se koloa i le lagi. Ti ke au, o muli mai iate au.

Luka 20:45

Na pati loa Sesu ki ana tisipulo, kae lolotoga fakalogo le kakai katoa kiate ia :

Luka 9:23

Ti na pati loa a ia ki le kau tisipulo fuli : Kapau e loto se tasi ke muli mai iate au, ke fakafiti a ia kiate ia totonu, ke amo e ia lona koluse i le aso taki tasi, ti ke muli mai a ia iate au.

Soane 10:27

E logo aku ovi ki loku leo ; e kau iloa latou, ti e lotou muli mai iate au.

Soane 19:17

Na amo loa e Sesu lona koluse, o kaku ki le ganea o le ulupoko, leia na igoa i le fakaepeleo ko Kolokota.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Loma 6:6

o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala ;

Loma 8:17

Ti kapau ko tatou ko fanau, ko tatou foki ko fanau maua tofiga : Ko fanau maua tofiga a le Atua, ti mo maua tofiga fakatasi mo Kilisito, mo kapau e tou mamae fakatasi foki mo ia, o tupu ke tou toe fakatasi foki mo ia i lona kololia.

Uluaki tosi ki le kau Kolinto 15:31

I le aso taki tasi e fakaali au ki le mate, e kau fakasa atu, fetaina, i le kololia leia e kau maua o tupu ko kotou ia Sesu-Kilisito lotatou Aliki.

Uluaki tosi ki le kau Kolinto 8:13

Koia, kapau e siga loku taina o tupu ko se nea kai, e leaise kau toe kai loa ki se inati i se aso, o tupu ke aua na siga loku taina.

Uluaki tosi ki le kau Kolinto 9:19

Talie, e logo ai loku lauatea mei tagata fuli, kae kua kau liliu ko se tagata fakasausau ki tagata fuli, o tupu ke maua ai se kakai toka api ake.

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Kalate 5:24

Ko latou ala e nonofo ia Sesu-Kilisito, kua lotou tutuki ki le koluse le kanofi mo ona alofa ti mo ona oli.

Kalate 6:14

Kae kiate au, e mamao meiate au le manatu ke kau fakakololia i se tasi ake a nea kese, kae i le koluse o lotatou Aliki ko Sesu-Kilisito, leia kua tutuki ki ai le malama nei kiate au, ofaipe au kua tutuki ki le malama nei.

Filipe 3:10

Ti e kau iloa loa Kilisito, ti mo le makeke o lona toe tuuake, ti mo le komunio o ona mamae, i le fakatatau kiate ia i lona mate, ke kau kaku ai,

Filipe 3:7

Kae ko nea ana, ala na fai kiate au pe ni fakapale, kua kau tio kia latou ofaipe ni nea ke tiaki o tupu ko Kilisito.

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Lua tosi ki le kau Tesalonika 3:11

Kae e motou logo e i ai ni iki ia koutou e mauli i le gasueveli, e leaise lotou gaoi, kae e lotou tokaga ki nea ala e leaise lotou kau ai.

Tito 2:12

E ako mai e ia kia tatou ke tiaki le aga lee fakaatua mo olioli fakamalama, kae ke tou mauli i le sekulo leinei o mulimuli ki le poto, mo le maokioki, ti mo le agamalie ki le Atua,

Epelo 13:13

Koia ke tou mavae o ano mo ia ki le tua kolo, o amo lona matagafua.

Uluaki tosi a Petelo 4:1

Talie na mamae Kilisito i lona tino, koia kotou teu masafu foki ki le manatu lena ; talie ko leia kua mamae i le tino kua tuku e ia le agasala,

Uluaki tosi a Petelo 4:13

Kae kotou fiafia i lakotou kau ki mamae o Kilisito, o tupu ke kotou fiafia foki i se fiafia lasi mo ka fakasa loa lona kololia.

Lua tosi a Petelo 1:14

talie e kau iloa e kau mavae fakapunamauli loa i le falela leinei, ofaipe lona fakasa mai kiate au e lotatou Aliki ko Sesu-Kilisito.

Uluaki tosi a Soane 3:16

I le nea leinei, e tou iloa ai le alofa : na soli e Ia lona mauli o tupu ko tatou. Ko tatou foki, e tonu ke tou soli otatou mauli o tupu ko fetaina.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.