Maleko 8:23 - Tosi Tapu

²³ Na too loa e Sesu le kivi i lona lima, o taki a ia ki le tua kolo ; ti na takai loa e ia a mata o le kivi ki lona savale, ti na teki loa e ia ona lima kiate ia, ti na vesili loa a ia ki le kivi. Pe ke tio ki se nea ?

Maleko 8:23 ပူးပေါင်းရင်းမြစ်များ

Esaia 44:2

Ko leinei le folafola a le Eteleno, leia na fakatupu ia a koe, Leia na fau ia a koe mei lou tupu, Leia ko lou fanakiaga : Aua na ke i ki se nea, ei laku tagata fakasausau ko Sakopo, Ei laku Iselaele, leia na kau filifili.

Esaia 51:18

I vosa fuli ala na fanaui e ia, E leaise tasi fua ke taki ia a ia. I fanau fuli ala na taupau e ia, E leaise tasi fua ke too ia a ia i le lima.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Maleko 5:23

o fai kiate ia le kole makeke leinei : Kua vave mate fua loku taine ; au, o teki kiate ia ou lima, o tupu ke ke fakamauli a ia, ti e mauli loa a ia.

Maleko 7:33

Na too kese loa e ia a ia mei le kakai, ti na velo loa e ia ona maikao ki taliga, ti na fakalave loa e ia lona savale totonu ki le alelo o le tagata ;

Maleko 8:24

Na vavakai loa a ia, o pati : E kau tio ki ni tagata, kae e kau tio kia latou ofaipe ni laakau, ti e lotou saele.

Maleko 8:26

Ti na kakau loa e Sesu le tagata ki lona fale, o pati : Aua na ke ulu ki le kolo.

Gaoi 23:19

Ti na too loa e le pule solia le tupulaga i lona lima o taki kese, ti na vesili loa a ia kiate ia : Kolea le nea leia e ke fia fakasa mai kiate au ?

Gaoi 9:8

Na tuu ake loa Saulo mei le kele, ti na logo ai le mavaa o ona mata, kae na leaise tio fua a ia ki se nea ; ti na too loa a ia i lona lima, o taki ki Tamaso.

Epelo 8:9

O leaise faipe le sai leia na kau fai loa mo olatou tamana, Ile aso leia na kau too ai latou i le lima Ke fakamavae latou i le fenua o Esipito ; Talie na leaise lotou kataki fualoa i laku sai, Ti ko au foki na leaise kau tokaga kia latou, e pati le Aliki.

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.