Maleko 8:13 - Tosi Tapu

¹³ Ti na mavae loa a ia ia latou, o toe sopo ki le vaka, o fakalaka ki leia ake fetuu o le vai.

Maleko 8:13 ပူးပေါင်းရင်းမြစ်များ

Pesalemo 81:12

Kae na leaise fakalogo fua loku kakai ki loku leo, Na leaise fakalogo fua Iselaele kiate au.

Selemia 23:33

Kapau e vesili atu kiate koe le kakai leinei, pe ko se polofeta, pe ko se tagata faisakilifisio : Kolea le kavega mamafa a le Eteleno ? E ke pati loa kia latou : Ko koutou ala ko se kavega mamafa, e pati le Eteleno, Koia e kau tiaki ai loa koutou.

Oseo 4:17

Kua pipiki Efalaimi ki taulaatua : Tuku ai a ia.

Oseo 9:12

Kapau e lotou maua foki ni fanau, E kau too loa latou, ke aua na lotou liliu ko ni tagata ; Ti e malaia kia latou, i le aso leia e kau tiaki ai loa latou !

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Mateo 7:6

Aua na kotou soli a nea tapu ki kuli, ti aua na kotou laku akoutou fuai kasoa ki mua o puaka, talie ke aua na lotou takatakafi loa latou ki olatou vae, ti ke aua na lotou mafuli mai loa, o sae koutou.

Maleko 8:12

Na tuku manava lasi loa Sesu i lona laumalie, o pati : Kolea e kole ai e le tautupu nei se fakamailoga ? E kau pati maoki atu kia koutou, e leaise toe soli loa se fakamailoga ki le tautupu nei.

Maleko 8:14

Na galo loa i le kau tisipulo ke lotou too ni pane ; ko le fa pane fai e tasi na nofo mo latou i le vaka.

Luka 8:37

Ti na kole loa e le kakai katoa o le fenua o le kau Katala kia Sesu ke fakamamao a ia meia latou, talie na lasi ai lolatou i. Ti na sopo loa Sesu ki le vaka, o toe liliu.

Soane 12:36

Kotou tui ki le malama koi kotou maua a ia, o tupu ke kotou liliu ko ni fanau o le malama. Na fakasa loa e Sesu a nea ana, ti na ano loa a ia, o mumuni mamao meia latou.

Soane 8:21

Na toe pati foki Sesu kia latou : E kau ano, ti e kotou afa loa au, ti e kotou mamate loa i lakoutou agasala ; e leaise mafai ke kotou au ki le ganea leia e kau ano ki ai.

Gaoi 18:6

Kae na fakafesagai loa le kau Sutea kiate ia o lauveli kiate ia ; koia na tutui ai loa e Paulo ona kofu, o pati kia latou : Ke toe vilo lokoutou toto ki okoutou ulu ! E kau mea i ai. Kamata atu i le aso nei e kau ano loa ki le kau pagani.

Gaoi 27:2

Ti na motou sopo loa ki se vaka mei Atalamite, leia na tonu ke ano i tafatafa o Asia, ti na motou ano loa mo Alisitake ko se Masetonia mei Tesalonika.