Maleko 8:12 - Tosi Tapu

¹² Na tuku manava lasi loa Sesu i lona laumalie, o pati : Kolea e kole ai e le tautupu nei se fakamailoga ? E kau pati maoki atu kia koutou, e leaise toe soli loa se fakamailoga ki le tautupu nei.

Maleko 8:12 ပူးပေါင်းရင်းမြစ်များ

Esaia 53:3

Vesiaina mo tiakina e tagata, Tagata o le mamae mo masani i le mamae, Tatau mo leia e mafuli kese i ai a mata ; Na tou nukinuki kiate ia, na leaise tou tokaga fua kiate ia.

Mateo 12:38

Na masau loa ni iki o le kau sekelipa mo le kau faliseo, o pati : Pule, e motou fia tio ki se milakulo meiate koe.

Mateo 16:4

E kole e se tautupu agaveli mo fai feauaki se milakulo ; e leaise toe tuku loa kiate ia se tasi ake milakulo i leia o Sonasi. Ti na tuku loa e ia latou, kae ano loa a ia.

Maleko 3:5

Ti na tio fakaita loa a ia kia latou, i le lasi o lona mamae o tupu ko le fefeka o latou loto ; ti na pati loa a ia ki le tagata : Falo lou lima. Na falo loa e le tagata lona lima, ti na mauli loa a ia.

Maleko 6:6

Ti na ofolele a ia ki lolatou tui gataa. Na folii e Sesu a kolo i le takatakai, o akonaki.

Maleko 7:34

ti na tagaki loa ona mata ki lagi, ti na tukumanava loa a ia, o pati : Efata, ko lona uiga, ke ke mavaa !…

Maleko 8:13

Ti na mavae loa a ia ia latou, o toe sopo ki le vaka, o fakalaka ki leia ake fetuu o le vai.

Maleko 9:19

Na pati loa Sesu kia latou : Lanu tui gataa, e kaku loa kiafea laku nofo mo koutou ? E kaku loa kiafea laku katakii koutou ? Aumai le toe kiate au. Ti na aumai loa le toe kiate ia.

Luka 19:41

I le ofi a Sesu ki le kolo, na tio loa a ia ki ai, ti na tagi loa a ia, o pati :