Maleko 7:9 - Tosi Tapu

⁹ Na toe pati foki a ia kia latou : E kotou poto i le tiaki o fakatotonu a le Atua, o tupu ke tausi lakotou talatisio.

Maleko 7:9 ပူးပေါင်းရင်းမြစ်များ

Pesalemo 119:126

Ei Eteleno, ko le temi leia ke ke gaoi ai : Talie e lotou maumaui lau lao.

Esaia 24:5

Na fakakelekele le fenua e lona kakai ; Talie na lotou maumaui a lao, ti na lotou fetogi ia a fakatotonu, Na lotou maumaui le sai lee gato.

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Maleko 7:13

o kotou fakanoai i ai le folafola a le Atua o tupu ko lakoutou talatisio leia na kotou fakatupu. Ti e kotou fai mo ni iki ake a nea mauke e tatau mo nea ana.

Maleko 7:3

Talie e leaise kai le kau faliseo mo le kau Sutea fuli kae e leikiaise fanofano fakamalielie mua olatou lima, o mulimuli ki le talatisio a le kau matua mago ;

Maleko 7:5

Ti na vesili loa le kau faliseo mo le kau sekelipa kia Sesu : Kolea e leaise mulimuli ai au tisipulo ki le talatisio a le kau matua mago, kae lotou kai mo ni lima kelekele ?

Loma 3:31

Pe tou fakapuli ai loa le lao i le tui ? E leai ai ! Kae, e motou fakamaoki ki le lao.

Lua tosi ki le kau Kolinto 11:4

Talie, kapau e natu se tasi o fakasa atu kia koutou se tasi ake Sesu i leia kua motou fakasa ia atu, pe kapau e kotou tali se tasi ake laumalie i leia kua kotou tali ia, pe ko se tasi ake Evaselio i leia kua kotou tui ki ai, e kotou kataki malie le tagata lena.

Kalate 1:14

Ti mo laku fakalaka mamao i le tausi ki le lotu fakasutea i se toka api o loku tautupu mo loku kakai, talie na kau tausi malie ake ia latou ki talatisio o oku tamana.

Kalate 2:21

E leaise kau fakafiti ki le kalasia o le Atua ; talie kapau e maua le faitotonu i le lao, ti na leaise uiga o le mate o Kilisito.

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.