Maleko 7:21 - Tosi Tapu

²¹ Talie mei loto, mei le loto o tagata, e au mei ai a manatu veveli, mo tono, mo feauaki, mo tukipo,

Maleko 7:21 ပူးပေါင်းရင်းမြစ်များ

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Sopo 14:4

Pe feaki loa ke tupu mei se tagata kelekele se tagata mea ? E leaise feala ke tupu meiate ia se fa toka tasi fua.

Sopo 25:4

Pe feaki loa ke agatonu le tagata i mua o le Atua ? Pe feaki loa ke mea leia na tupu i le fafine ?

Pesalemo 119:36

Taofi loku loto ki au pelesepeto, Kae aua ki koloa !

Pesalemo 14:1

Ki le pule o le kau sua. Pesalemo a Tavite. E pati le vale i lona loto : E leaise Atua ! Kua lotou veli, kua lotou fai ni gaoi fakalialia. E leaise fa toka tasi fua e fai ia le malie.

Pesalemo 14:3

Kua lotou sese fuli, kua lotou fakalialia fuli, E leaise fa toka tasi fua e fai ia le malie, E leaise fa toka tasi fua.

Pesalemo 53:1

Ki le pule o le kau sua. I le fulute. Katiko a Tavite.

Pesalemo 53:3

Ko le Atua mei aluga o le atu lagi, e tio ki vosa o le tagata, Pe tio ki se tasi leia e atamai, Se tasi leia e afa ia le Atua.

Taagapati 15:25

E soloi e le Eteleno le fale o le kau fia nealasi, Kae e fakamakeke e ia a koiga o le fafine lokonui.

Taagapati 4:23

Taupau lou loto o lasi ake i nea fuli ake ala, Talie e au mei ai a matapuna o le mauli.

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Esaia 59:7

E makape olatou vae ki le veli, Ti e lotou fakatavili o liligi le toto mea ; Ko alatou manatu ko ni manatu o le agasala, Ti e maua i olatou ala le kaia mo le maumau.

Selemia 16:12

Ti ko koutou, na kotou fai le veli o lasi ake i okoutou tamana ; Ti ko leinei, e tasi mulimuli le tagata ki oli o lona loto veli, Ke aua na fakalogo mai kiate au.

Selemia 17:9

E pikopiko le loto o fakalaka i nea fuli, ti e agaveli a ia : Ko ai e mafai ke iloa ia a ia ?

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Esekiele 38:10

Koia e folafola ai le Aliki, le Eteleno, o pati : I le aso lena, e malaga loa ni manatu i lou loto, Ti e ke fai loa ni fakatuutuu veveli.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Mateo 9:4

Ti na pati loa Sesu, i lana iloa alatou manatu loto : Kolea e kotou maua ai ni manatu veveli i okoutou loto ?

Maleko 7:20

Na toe pati loa a ia : Ko le nea leia e ulu mei le tagata, ko ia leia e fakakelekele ia le tagata.

Maleko 7:22

mo kaia, mo fulupipiki, mo agaveli, mo kaka, mo maveuveu, mo manumanu, mo fatituu, mo fia nealasi, mo valea.

Luka 16:15

Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.

Gaoi 5:4

Kanapau na leaise ke fakatau a ia, koi ke nofo fai mo lou kele ? Ti i le oki o lona fakatau, pe na leaise ke faitalisa ki lona totogi ? Kolea kua ke mafai ai ke ke tuku ki lou loto se fakatuutuu fenaaki ? Na leaise ke loi ki ni tagata, kae ki le Atua.

Gaoi 8:22

Koia ke ke fakasemala ki lau agaveli, o faikole ki le Aliki ke fakamolemole ki le manatu o lou loto, mo kapau e feala ;

Loma 7:5

Talie, i le temi leia na tou mauli ai i le kanofi, ko oli fakavale o agasala, ala na tupu mei le lao, na gaoi i otatou koga tino, ke tou maua ai ni fua ki le mate.

Loma 7:8

Ti ko le agasala, i lana too le faigamalie, na fakatupu iate au o tupu ko le fakatotonu o le lao, a manumanu kesekese fuli ; talie sala lao e mate le agasala.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Sakopo 2:4

Pe leaise kotou fai ia koutou totonu se fakakesekese ? Pe leaise ko ni tui fakamaau koutou ala e maua ia ni manatu veveli ?