Maleko 6:51 - Tosi Tapu

⁵¹ Ti na ano loa a ia kia latou, o sopo ki le vaka, ti na malu loa le matagi. Na lotou ofolele fuli loa i olatou loto mo apele i le i.

Maleko 6:51 ပူးပေါင်းရင်းမြစ်များ

Mateo 8:10

I lana logo ki lana masau, na ofolele Sesu, ti na pati loa a ia kia latou ala na muli iate ia : E kau pati maoki atu kia koutou, i Iselaele foki, e leikiaise kau maua se tui makeke feneeki.

Maleko 1:27

Na lotou ofolele fuli i le nea lena, o pati : Kolea le nea leinei ? Ko se akonaki foou ! E masau a ia mo se pule ki laumalie veli foki, ti e lotou fakalogo kiate ia !

Maleko 2:12

I le lakaga fai lena, na tuu ake loa le tagata palalisia ki aluga, o too lona palepale, ti na ulu loa a ia ki fafo kae nofoaki le kakai fuli : Ti na lotou ofolele fuli ai, ti na lotou fakakololia loa ki le Atua, o pati : Na leikiaise motou tio ki se nea feneeki i se aso !

Maleko 4:39

I lana ala ake, na valoki loa e ia le matagi, mo pati ki le tai : Fakalologo ! Manava oki ! Ti na mate loa le matagi, ti na momole oki loa le tai.

Maleko 4:41

Na lotou i lasi ai, ti na lotou fepatiaki ia latou : Ko ai loa a ia leinei, leia e fakalogo foki ki ai le matagi mo le tai ?

Maleko 5:42

I le lakaga fai lena na tuu ake loa le taine ki aluga, o kamata saele ; talie na fetuu kau agafulu tupu lua a ia. Ti na lotou ofolele lasi loa.

Maleko 6:32

Na lotou ano loa i se vaka ki se ganea lavaki.

Maleko 7:37

Na lotou ofolele lasi ai, o pati : E malilie a nea fuli e fai e ia ; e fakamavaa foki e ia a taliga o le kau tuli, ti e fakamasau e ia le kau gutu mate.

Soane 6:21

Ti na lotou loto loa ke fakaeke a ia ki le vaka, ti na tau aifai le vaka ki le ganea leia na lotou ano ki ai.