Maleko 6:37 - Tosi Tapu

³⁷ Na tali loa Sesu kia latou : Kotou soli e koutou totonu kia latou se nea ke kai. Kae na lotou pati loa kiate ia : Pe motou ano loa o totogi mai ni pane ki ni fa tenalio e kau lelau lua, ti motou soli loa kia latou ke kai ?

Maleko 6:37 ပူးပေါင်းရင်းမြစ်များ

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Numelo 11:13

E kau maua loa ifea se kanoi manu leia ke soli ki le kakai fuli leinei ? Talie e lotou fetagisi fuli i oku tafa, o pati : soli mai kia matou se kanoi manu ke kai !

Mateo 14:16

Na tali loa Sesu kia latou : E leaise aoga ke lotou ano ; kotou soli e koutou totonu kia latou se nea ke kai.

Mateo 18:28

I lana ulu ki fafo, na felavei loa le tagata fakasausau lena mo se tasi i ona kaukau nea leia na tuu maua kiate ia ko le kau lelau tenalio. Na tapo loa e ia a ia, o kukumi lona ua, o pati : Ui mai lou maua kiate au.

Maleko 6:36

kakau le kakai ke ano ki nofoaga uta mo kolo liliki i le takatakai, o totogi se nea ke kai.

Maleko 6:38

Ti na pati loa Sesu kia latou : Pe fia a fa pane ala e kotou maua ? Kotou ano o tioi. Na lotou afaafa totonu loa, ti na lotou tali loa : E lima, mo ika e lua.

Luka 7:41

Ti na pati loa Sesu : Na i ai se tagata leia na tuu maua ki ai ni tagata toka lua : Na tuu maua le tasi ki ni fa tenalio e kau lelau lima, ti ko leia ake ki fa tenalio e kau lima.

Luka 9:13

Na pati loa Sesu kia latou : Soli e koutou totonu kia latou se nea ke kai. Kae na lotou tali loa : E motou maua fai ni fa pane e lima mo ni ga ika e lua. Pe ke loto ke motou ano o totogi mai ni nea kai ki le kakai fuli leinei !