Maleko 6:34 - Tosi Tapu

³⁴ I lana ifo i le vaka, na tio loa Sesu ki se kakai lasi, ti na aloalofa loa a ia kia latou, talie kua lotou faipe ni ovi ala e leaise maua ia se tagata tausi ovi ; ti na kamata ako loa e ia kia latou ni nea mauke.

Maleko 6:34 ပူးပေါင်းရင်းမြစ်များ

Uluaki tosi o Sau 22:17

Na tali loa Mikea : E kau tio ki Iselaele katoa kua mavetevete i mauga ofaipe ni ovi ala e sala tagata tausi ovi ; ti na pati loa le Eteleno : Kua sala pule le kakai lena, ke lotou tasi toe liliu ki lona fale !

Lua tosi o Koloniko 18:16

Na tali loa Mikea : E kau tio ki Iselaele katoa e mavetevete i mauga, ofaipe ni ovi ala e leaise maua ia se tagata tausi ovi ; ti na pati loa le Eteleno : Ko le kakai lena, e leaise lotou maua ia se pule, ke lotou tasi toe liliu i le tokamalie ki lona fale !

Esaia 13:14

Koia, ofaipe se tia na i, Pe se kau manu kua sala tagata tausi, E tasi maliu loa le tagata ki lona kakai, Ti e tasi sola loa le tagata ki lona fenua.

Selemia 50:6

Ko loku kakai ko se kau ovi leia na puli noa ; Na fakasese latou e olatou tausi ovi, o taki latou i mauga ; Na lotou ano mei mauga lalasi ki mauga liliki, Kae galo lolatou lotoa.

Esekiele 34:5

Na lotou mavetevete talie na leaise lotou maua se tagata tausi ovi ; na lotou liliu ko le nea kai a manu fuli o le vao, koia na lotou mavetevete ai.

Sakalia 10:2

Talie e noa a masau a telafimi, E fakasa ni loi e latou ala e kikite, E loi a moe miti ti e leaise uiga o alatou fakafimalie. Koia leia kua sese ai le kakai ofaipe se kau manu, Kua lotou malaia talie e leaise koi maua se tagata tausi manu.

Numelo 27:17

leia ke pule kiate ia, ti ke poto i lona taki i nea fuli, o tupu ke aua na fai le kakai a le Eteleno pe se kau manu leia e sala tagata tausi manu.

Mateo 14:14

I le sopo a Sesu mei le vaka, na tio loa a ia ki se kakai toka api, ti na aloalofa loa a ia kia latou, ti na fakamauli loa e ia le kau masaki.

Mateo 15:32

Na kalagai loa e Sesu ana tisipulo, o pati : E kau aloalofa ki le kakai leinei ; talie kua aso tolu loa lalatou nonofo i oku tafa, ti e leaise lotou maua se nea ke kai. E leaise kau fia kakau latou ke ano pakupaku, talie na lotou ninimo loa i le ala.

Mateo 9:36

I lana tio ki le kakai, na aloalofa loa a ia kia latou, talie ko se kakai fakatotoso mo gaegae ofaipe ni ovi ala e sala tagata tausi ovi.

Maleko 6:33

Ti na tio loa se kakai ki lalatou ano, ti na lotou iloa ia loa latou, ti na lotou fai makape mai loa i uta mei kolo fuli, o muamua ia latou ki le ganea leia na lotou ano ki ai.

Maleko 6:35

Ti kua teitei oki le aso, na fakafeofi ake loa ana tisipulo kiate ia, o pati : E lavaki le ganea leinei, ti kua teitei oki le aso ;

Maleko 8:1

I aso ana, na toe fakatasi se kakai toka api, ti na leaise maua se nea ke kai, ti na kalagai loa e Sesu ana tisipulo, o pati kia latou :

Maleko 8:2

E kau aloalofa ai ki le kakai leinei ; talie kua aso tolu lana nofo i oku tafa, ti e leaise nea fua ke kai.

Luka 9:11

Kae na iloa loa a ia e le kakai, ti na lotou muli loa iate ia. Na fakatalitali loa latou e Sesu, ti na folafola loa a ia kia latou ki le Puleaga o le Atua ; na fakamauli foki e ia latou ala na aoga ke fakamauli.

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.