Maleko 6:31 - Tosi Tapu

³¹ Na pati loa Sesu kia latou : Kotou au ki se ganea lavaki, o malolo fakaikiiki. Talie na toka api latou na ano mo latou na au, ti na leaise lotou maua fua se ga temi ke kai ai.

Maleko 6:31 ပူးပေါင်းရင်းမြစ်များ

Mateo 14:13

I le logo lena, na mavae loa Sesu i le ganea lena i se vaka, ke ano ki se ganea lavaki ; kae na iloa loa e le kakai le nea lena, ti na lotou mavae loa mei kolo o mulimuli iate ia, o saele i le mata tai.

Maleko 1:45

Kae na ano loa le tagata lena, ti na kamata fakasa loa e ia mo fakamafola i ganea fuli le nea leia na soko kiate ia. Koia na leaise toe mafai ai le ulu fakalauatea a Sesu ki se kolo. Na nofo a ia i tua kolo, i ni ganea lavaki, ti na au kiate ia mei potu fuli.

Maleko 3:20

Na lotou ano loa ki le fale, ti na toe fakatasi ake loa le kakai, ti na leaise koi mafai ke lotou kai.

Maleko 3:7

Na ano loa Sesu mo ana tisipulo ki le matatai o le tai o Kalilea. Ti na muli loa se kakai toka api iate ia mei Kalilea,

Soane 6:1

Sili aia, na ano loa Sesu ki leia ake fetuu o le tai o Kalilea, na igoa foki ko le tai o Tipeliate.