Maleko 6:21 - Tosi Tapu

²¹ Kae na soko loa ki se aso faigamalie, ko le aso fakamanatu a ia o le tupu o Elote. Na fai loa e Elote se kaitasi ki lana kau lalasi, mo le kau pule solia ti mo le kau tagata mauiga o Kalilea.

Maleko 6:21 ပူးပေါင်းရင်းမြစ်များ

Senesi 27:41

Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Senesi 40:20

Na sili loa a aso e tolu, ti na fakamanatu loa le aso tupu o Falaone, ti na fai loa e ia se kaitasi ki ana minisi fuli. Ti na lagai loa e Falaone le ulu o le pule vino mo le ulu o le pule pane ki ni tuulaga mauiga :

Esitele 2:18

Na fai loa e le sau se kai lasi ki lana kau aliki katoa mo lana kau tagata fakasausau, ko se kai lasi kia Esitele : ti na tuku loa e ia ni aso veteki popula i fenua fuli, ti na fai loa e ia ni nea alofa o gali mo lona kaisolisoli.

Esitele 3:7

I le uluaki masina, leia ko le masina o Nisane, i le fetuu kau agafulu tupu lua o le sau o Asuelusi, na fakatotonu loa e Amane ke ti a pulimi, ke iloa le aso ti mo le masina leia e malie ki ana fakatuutuu ; ti na vilo loa le toso ki le kau agafulu tupu lua o masina, leia ko le masina o Atale.

Oseo 7:5

I le aso o lomatou sau, E masasaki a pule i le fakavalevale ki le vino ; E falo e le sau lona lima ki le kau gologolo.

Luka 3:1

I le kau agafulu tupu lima fetuu o le pule o Tipele Sesale, - na kovana Posio Pilato i Sutea, ti na sau Elote i Kalilea, ti na sau lona taina ko Filipo i Itulea mo le telituale o Talakonita, ti na sau Lisaniasi i Apilene,

Gaoi 25:23

Koia, i leia ake a aso, na au loa Akilipa mo Pelenise mo ni kofu fakaalialiki, o ulu ki le kogafale fai fakamaau, mo le kau pule solia, ti mo le kau lalasi o le kolo. Na fakatotonu loa e Fesitusi ke aumai Paulo.

Uluaki tosi a Petelo 4:3

Talie kua lasi le temi leia i mua na koutou fai ai le finegalo o le kau pagani, o saele i le mauli fakalialia, mo oli veveli, mo le inu fakavale, mo le kai fakavale, ti mo le fakalialia o tausi ki taulaatua.

Apokalipisi 11:10

Ti e fiafia loa le kakai o le malama nei i le mate o tagata ana e toka lua, ti e lotou fiafia lasi loa, o feaveaki alatou nea alofa, talie na fakamamaei a kakai o le malama nei e polofeta ana e toka lua.