Maleko 5:40 - Tosi Tapu

⁴⁰ Ti na lotou gologolo loa kiate ia. Ti na fakamavae loa e Sesu ki fafo le kakai katoa, ti na too loa e ia mo ia le tamana mo le tinana o le toe, ti mo latou ala na kau fanoga mai mo ia, ti na ulu loa a ia ki le ganea leia na tuku ai le toe.

Maleko 5:40 ပူးပေါင်းရင်းမြစ်များ

Senesi 19:14

Na ulu loa a Lote o masau ki ona fugao ala na avaga mo ona taine. Na pati loa a ia kia latou : Ke kotou tutuu ki aluga, ti ke kotou mavae i le ganea leinei, talie ka maumaui loa le kolo e le Eteleno. Kae na fai a ia kia latou pe se tasi leia e masau fakasuasua.

Lua tosi o Sau 4:33

Na ulu loa Eliseo ki fale, ti na tapono loa e ia le matapa kiate ia mo le toe, ti na faikole loa a ia ki le Eteleno.

Neemia 2:19

I le logo ki ai a Sanepala, le tagata Oloni, mo Topisa, lona oloi, le tagata Amone, ti mo Kesemi, le tagata Alape, na lotou kata fakagologolo loa kia matou, ti na lotou vesia loa kia matou. Na lotou pati : Kolea le nea lena e kotou fai ? Pe kotou loto ke kotou agatuu ki le sau ?

Sopo 12:4

Kua kau liliu ki oku kaukaunea ko se nea fakagologolo, Talie e kau tagi ke tokoi mai le Atua kiate au ; Io, kua liliu le tagata agatonu, leia e leaise agasala, ko se nea fakagologolo !

Pesalemo 22:7

Kae ko au, ko se kelemutu au, e leaise ko se tagata, Ko le nea gologolo au a tagata, ti ko le tagata vesiainai au a le kakai.

Mateo 15:11

E leaise ko le nea leia e ulu ki le gutu e fakakelekele ia le tagata ; kae ko le nea leia e mavae mei le gutu e fakakelekele ia le tagata.

Mateo 7:6

Aua na kotou soli a nea tapu ki kuli, ti aua na kotou laku akoutou fuai kasoa ki mua o puaka, talie ke aua na lotou takatakafi loa latou ki olatou vae, ti ke aua na lotou mafuli mai loa, o sae koutou.

Maleko 5:39

Na ulu loa Sesu o pati kia latou : Kolea e kotou logoa ai, ti kolea e kotou fetagisi ai ? E leaise mate le toe, kae e moe a ia.

Maleko 5:41

Na too loa e Sesu le lima o le toe, o pati kiate ia : Talitha koumi, ko lona uiga : E kau pati atu, taine, tuu ki aluga !

Luka 16:14

Ko le kau faliseo, ala na fulupipiki ki le paaga, na fakalogo ki nea fuli ana, ti na lotou gologolo kia Sesu.

Gaoi 17:32

I lalatou logo ki le masau ki le toe tuuake o le kau mate, na gologolo loa a iki, kae na pati loa a iki : Koi motou toe logo loa ki ai i se tasi ake faiaga.