Maleko 5:27 - Tosi Tapu

²⁷ I lana logo ki le masau kia Sesu, na au loa a ia i loto malie o le kakai mei muli, o lave ki lona kofu :

Maleko 5:27 ပူးပေါင်းရင်းမြစ်များ

Lua tosi o Sau 13:21

Ti na soko loa i le temi leia na tanu ai se mate, ko leinei, na tio loa ki se kau solia o le solia a Moape, ti na ti loa le mate ki le tanuma o Eliseo. Na ano loa le mate o lave ki ivi o Eliseo, ti na toe mauli loa a ia, o tuu ki aluga i ona vae.

Mateo 14:36

Na lotou kolekole loa kiate ia ke fakataga ake fua kia latou ke fafa ki le tapatapa o lona kofu. Ti ko latou fuli ala na fafa ki ai na mauli loa.

Maleko 5:26

Na mamae lasi ai le fafine lena i lima o ni toketa toka api, ti na puli lasi a ia i lolatou totogi, kae na leaise maua fua e ia se ga fimalie, ti na asilisili ake lona veli.

Maleko 5:28

Talie na pati a ia : Kapau e mafai fua ke kau lave ki lona kofu, ti e kau mauli loa.

Maleko 6:56

I ganea fuli na kaku a ia ki ai, i kolo liliki, mo kolo lalasi, ti mo nofoaga uta, na tuku a masaki i lapalasi fakafenua, ti na kole kia Sesu ke fakataga ake fua ke lotou lave ki le tapatapa o lona kofu. Ti na mauli loa latou fuli ala na lave kiate ia.

Gaoi 19:12

o kaku ai ki le fakalave o ni kie pe ko ni musuala kua lave ki lona tino ki le kau masaki, ti na mavae a masaki mo temonio meia latou.

Gaoi 5:15

Koia na lotou kamata fata ai a masaki ki ala, o fakamomoe i ni palepale mo ni moelaga, o tupu, ka fakalaka loa Petelo, ke lave a ia ki ni iki o latou, pe ko lona malu fua.