Maleko 5:24 - Tosi Tapu

²⁴ Na ano loa Sesu mo ia. Ti na muli loa iate ia se kakai toka api, leia na teke ia a ia mei potu fuli.

Maleko 5:24 ပူးပေါင်းရင်းမြစ်များ

Maleko 3:20

Na lotou ano loa ki le fale, ti na toe fakatasi ake loa le kakai, ti na leaise koi mafai ke lotou kai.

Maleko 5:23

o fai kiate ia le kole makeke leinei : Kua vave mate fua loku taine ; au, o teki kiate ia ou lima, o tupu ke ke fakamauli a ia, ti e mauli loa a ia.

Maleko 5:25

Ti na i ai se fafine leia na pupuke talu mei fetuu e kau agafulu tupu lua.

Maleko 5:31

Na pati loa ana tisipulo kiate ia : E ke tio ki le kakai leia e feteke ia a koe, ti e ke pati : Ko ai leia na lave mai kiate au ?

Luka 11:29

I le tanaki mai o se kakai toka api kiate ia, na pati loa Sesu kia latou : Ko le tautupu leinei ko se tautupu agaveli ; e lotou afa se fakamailoga, kae e leaise toe tuku loa kia latou se tasi ake fakamailoga i leia o Sonasi.

Luka 12:1

I le temi lena, na fakatasi ake loa le kakai o lau i afe, ti kua lotou fetakatakafiaki foki, na kamata masau loa Sesu ki ana tisipulo : Kotou tokaga ki le fakatupu a le kau faliseo, leia ko le malualoi.

Luka 19:3

kae na leaise mafai e ia ke kaku kiate ia, o tupu ko le kakai, talie na toetoe fua a ia.

Luka 7:6

Na ano loa Sesu mo latou. Ti kua ofi a ia ki le fale, kae na kakau loa e le setulio ni iki ke ano o pati kiate ia : Aliki, aua na ke fakapakia ; talie e leaise kau gali ke ke ulu mai ki loku fale.

Luka 8:42

talie ko lona taine fuatasi, leia na fetuu kau agafulu tupu lua, kua vave mate fua. Na lolotoga ano loa Sesu ki ai, ti na fetekeaki a ia e le kakai.

Luka 8:45

Ti na pati loa Sesu : Ko ai leia na fafa mai kiate au ? I le fakafitifiti fuli a le kakai, na pati loa Petelo mo latou ala na tuu mo ia : Pule, e takatakai a koe ti mo fetekeaki a koe e le kakai, kae e ke pati : pe ko ai leia na fafa mai kiate au ?

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.