Maleko 5:18 - Tosi Tapu

¹⁸ I lana sopo ki le vaka, na kole ake loa kiate ia e le tagata leia na avagaia ke fakataga ake kiate ia ke nofo mo ia.

Maleko 5:18 ပူးပေါင်းရင်းမြစ်များ

Pesalemo 116:12

Pe feaki loa ke kau liufaki ki le Eteleno Ana nea malilie fuli kiate au ?

Mateo 4:24

Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Maleko 5:15

Na lotou au loa kia Sesu, ti na lotou tio loa ki le tagata leia na nofo ai le lesio kua tonatona, kua teuteu, ti kua malama lona atamai ; ti na lotou i lasi loa.

Maleko 5:16

Ko latou ala na tio ki le nea leia na soko na fakamatala ia loa a ia kia latou le nea leia na soko ki le tagata avagaia ti mo le kau puaka.

Maleko 5:17

Ti na lotou kolekole loa kia Sesu ke mavae i lolatou fenua.

Maleko 5:7

ti mo tagi leo lasi : Kolea au kiate koe, Sesu, Alo o le Atua taualuga ? E kau kole fakamakeke atu kiate koe i le suafa o le Atua, aua na ke fakamamae au.