Maleko 5:15 - Tosi Tapu

¹⁵ Na lotou au loa kia Sesu, ti na lotou tio loa ki le tagata leia na nofo ai le lesio kua tonatona, kua teuteu, ti kua malama lona atamai ; ti na lotou i lasi loa.

Maleko 5:15 ပူးပေါင်းရင်းမြစ်များ

Uluaki tosi o Koloniko 13:12

Na i loa Tavite ki le Atua i le aso lena, ti na pati loa a ia : Pe feaki loa laku fakaulu le aleka o le Atua ki loku fale ?

Uluaki tosi o Koloniko 15:13

Talie na leaise kotou kau i le uluaki aumai o le aleka, koia leia na taai ai matou e le Eteleno lotatou Atua ; o tupu na leaise motou afa lona finegalo o mulimuli ki le lao.

Sopo 13:11

Pe leaise kotou i ki le mafimafi o le Atua ? Pe leaise vilo loa lona sausau kia koutou ?

Pesalemo 14:5

Koia e lotou lulu loa i le i lasi, Mo ka sa mai loa le Atua i loto malie o le lanu o tagata agatonu.

Mateo 12:29

Pe mafai e se tasi ke ulu ki le fale o se tagata makeke, o too ona koloa, kae e leaise sai mua e ia le tagata makeke lena ? Kao oki loa a ia i le sai, ti o kaia loa e ia lona fale.

Mateo 26:53

Pe ke pati e leaise mafai ke kau kole ki loku Tamana, ke tuku mai e ia i le lakaga nei fai ni fa solia aselo e tino agafulu tupu lua pe lasi atu ?

Mateo 4:24

Na mafola loa lona logologona i le fenua katoa o Silia, ti na aumai loa kiate ia latou fuli ala na mamae i ni masaki ti mo mamae kesekese, mo ni kakai ala na nofo ai ni temonio, mo ni kakai ala na masaki tete, mo ni kakai palalisia, ti na fakamauli loa e ia latou.

Mateo 9:33

I le oki o le kapu o le temonio, na masau loa le gutu mate. Ti na ofolele loa le kakai, o pati : E leikiaise sa se nea feneeki i Iselaele i se aso.

Maleko 5:14

Ko latou ala na fagai ia a puaka na fesolaki loa, ti na lotou fakamafola loa le logo i le kolo ti mo kolo uta. Na ano loa le kakai o tio ki le nea kua soko.

Maleko 5:16

Ko latou ala na tio ki le nea leia na soko na fakamatala ia loa a ia kia latou le nea leia na soko ki le tagata avagaia ti mo le kau puaka.

Maleko 5:18

I lana sopo ki le vaka, na kole ake loa kiate ia e le tagata leia na avagaia ke fakataga ake kiate ia ke nofo mo ia.

Maleko 5:4

Talie kua tua lasi le tau sai o ona vae ki ni ukamea ti mo ona lima ki ni kaui tini, kae na motumotusi e ia a kaui tini ti na fatifatii e ia a ukamea, ti na leaise mafai e se tasi lona fakalalata.

Maleko 5:9

Ti na vesili loa Sesu kiate ia : Ko ai lou igoa ? Na tali loa a ia kia Sesu : Ko loku igoa ko Lesio, talie e motou toka api.

Luka 10:39

Ti na i ai sona taina, na igoa ko Malia, leia na tonatona i vae o le Aliki, o fakalogo ki lana folafola.

Luka 8:27

I le sopo a Sesu ki uta, na au loa ki ona mua se tagata o le kolo lena, leia na ulu tino ai se kau temonio. Talu mei fualoa na leai se toe tui e ia se kofu, ti na leaise nofo a ia i se fale, kae i ni tanuma.

Kolose 1:13

leia kua saofaki ia tatou mei le makeke o le fakapouli ti kua siki ia tatou ki le puleaga o lona Alo alofaina,

Lua tosi kia Timoteo 1:7

Talie e leaise soli mai e le Atua kia tatou le Laumalie ke tou manava ikiiki ai ; kae e fakaapele tatou e lona Laumalie ki le makeke, mo le alofa, ti mo le poto.

Uluaki tosi a Samuele 16:4

Na fai loa e Samuele le nea leia na pati ki ai le Eteleno, ti na ano loa a ia ki Peteleemi. Na feoso ake loa le kau matua o le kolo, kua lulu, ki ona mua, o pati : Pe fakasa e lau kaku mai se nea malie ?