Maleko 4:41 - Tosi Tapu

⁴¹ Na lotou i lasi ai, ti na lotou fepatiaki ia latou : Ko ai loa a ia leinei, leia e fakalogo foki ki ai le matagi mo le tai ?

Maleko 4:41 ပူးပေါင်းရင်းမြစ်များ

Sopo 38:11

I le temi na kau pati ai : E ke au loa o kaku mai ki leinei, e leaise ke toe fakalaka atu loa ki leia ; E gato loa i leinei le fia nealasi o ou galu ?

Pesalemo 89:7

Talie ko ai, i le lagi, e mafai ke fakatatau ki le Eteleno ? Ko ai e tatau mo koe i vosa o le Atua ?

Malakia 2:5

Ko laku sai mo ia ko se sai o le mauli mo le tokamalie, Ko lena le nea leia na kau tuku kiate ia o tupu ke i ai kiate au ; Ti na maua e ia se i kiate au, Na lulu a ia i mua o loku suafa.

Mateo 14:32

Na la sopo loa ki le vaka, ti na mate loa le matagi.

Mateo 8:27

Na ofolele loa a tagata ana, o lotou pati : Ko ai le tagata leinei, ke fakalogo foki ki ai le matagi mo le tai ?

Maleko 4:40

Ti na pati loa a ia kia latou : Kolea na kotou i lasi ai ? Kolea na leaise kotou maua ai se tui ?

Maleko 5:1

Na lotou kaku ki leia atu fetuu o le tai, ki le fenua o le kau Katala.

Maleko 5:33

Na i lasi ai le fafine ti na lulu loa a ia i lana iloa le nea leia kua soko kiate ia, ti na au loa a ia o punou i vae o Sesu, o fakasa kiate ia le maoki katoa.

Maleko 7:37

Na lotou ofolele lasi ai, o pati : E malilie a nea fuli e fai e ia ; e fakamavaa foki e ia a taliga o le kau tuli, ti e fakamasau e ia le kau gutu mate.

Luka 4:36

Na lotou i fuli loa, o lotou fepatiaki : Kolea le folafola leinei ? E lagiaki foki a ia i le pule mo le makeke ki laumalie veli, ti e lotou mavae !

Luka 8:25

Ti na pati loa Sesu kia latou : Kofea lakotou tui ? Kae na lotou i lasi ai mo ofolele, o pati : Ko ai le tagata leinei, e lagiaki foki a ia ki le matagi mo le vai, ti e la fakalogo kiate ia ?

Epelo 12:28

Koia o tupu kua tou maua se puleaga leia e leaise mafai ke lui, ke tou fakasa lotatou fakafetai o tuku ki le Atua se atolasio leia e malie kiate ia, i le alofa ti mo le i ;

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Uluaki tosi a Samuele 12:24

Ke kotou i ki le Eteleno, mo kotou tausi agatonu kiate ia i lokoutou loto katoa ; talie kua kotou tio ki lona mafimafi i loto malie o koutou.