Maleko 4:39 - Tosi Tapu

³⁹ I lana ala ake, na valoki loa e ia le matagi, mo pati ki le tai : Fakalologo ! Manava oki ! Ti na mate loa le matagi, ti na momole oki loa le tai.

Maleko 4:39 ပူးပေါင်းရင်းမြစ်များ

Sopo 38:11

I le temi na kau pati ai : E ke au loa o kaku mai ki leinei, e leaise ke toe fakalaka atu loa ki leia ; E gato loa i leinei le fia nealasi o ou galu ?

Pesalemo 107:29

Na taofi loa e ia le afa, ti na toe aumai loa e ia le tokamalie, Ti na fakalologo loa a galu.

Pesalemo 148:8

Afi mo ua fefeka, nive mo kokofu, Matagi makeke, ala e fai ia ana fakatotonu,

Pesalemo 29:10

Na eke le Eteleno i lona ekeekeaga fakasau i le aso o le lomaki. E pule le Eteleno i lona ekeekeaga fakasau o lee gato.

Pesalemo 65:7

E fakamakeke e ia a mauga ki lona makeke, E toi a ia ki le mafimafi ;

Pesalemo 89:9

Eteleno, Atua o kau tau ! ko ai e mafimafi ofaipe koe, ei Eteleno ? E takatakai a koe e lou agatonu.

Ekesote 14:16

Ko koe, siki lou tokotoko, falo lou lima ki le tai, o fakavaelua a ia ; ti e saele loa fanau a Iselaele i loto malie o le tai malo.

Ekesote 14:22

Na ulu loa fanau a Iselaele ki loto malie o le tai leia kua malo, ti na tuu loa a vai o fakakaua i le fetuu atamai mo le fetuu sema.

Taagapati 8:29

I lana tuku se koiga ki le tai, Ke aua na fakalaka ona galu i le matatai, I lana teki a fakatafito o le kele,

Selemia 5:22

Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Tagi laulau a Selemia 3:31

Talie e leaise tiaki E le Aliki o lee gato.

Naume 1:4

E valoki e ia le tai ti e malo a ia. E fakamasa e ia a vaitafe fuli ; E gae le Pasani mo le Kalemelo, E gae a fitii laakau o Lipane.

Mateo 8:26

Na pati loa a ia kia latou : Kolea e kotou i ai, kakai tui gaegae ? Na tuu loa a ia ki aluga, o feau le matagi mo le tai, ti na tokamalie lasi loa.

Maleko 4:38

Kae ko ia, na moe a ia i le taumuli i se fa pila. Na lotou fafagu loa a ia, o pati kiate ia : Pule, pe nea noa kiate koe ke tou mamate ?

Maleko 9:25

I le tio a Sesu ki le fekapu mai a le kakai, na valoki loa e ia le laumalie veli, o pati kiate ia : Laumalie gutu mate mo tulituli, e kau fakatotonu atu kiate koe, mavae i le toe lena, ti aua na ke toe ulu kiate ia.

Luka 4:35

Na valoki loa e Sesu le laumalie veli, o pati kiate ia : Fakaleemu, ti ke mavae i le tagata lena. Na ti loa e le temonio le tagata ki loto malie o le fakatasi, ti na masau loa a ia meiate ia, kae na leaise fai loa e ia se nea veli ki le tagata.

Luka 4:39

Na punou loa Sesu ki le fafine, o feau le fiva, ti na mavae loa le fiva iate ia. I le temi fai lena, na tuu loa le fafine ki aluga, o fakasausau kia latou.

Luka 8:24

Na lotou soso ake loa kia Sesu, o fafagu a ia o pati : Pule, pule, ka tou mamate ! I lana ala ake, na valoki loa e ia le matagi mo le galu, ti na la malu loa, ti na toe au loa le tokamalie.