Maleko 4:38 - Tosi Tapu

³⁸ Kae ko ia, na moe a ia i le taumuli i se fa pila. Na lotou fafagu loa a ia, o pati kiate ia : Pule, pe nea noa kiate koe ke tou mamate ?

Maleko 4:38 ပူးပေါင်းရင်းမြစ်များ

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Tagi laulau a Selemia 3:8

Kua kau gaegae i le tagi mo le kolekole ki se tokoi, E leaise tali e ia laku kole.

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Mateo 8:25

Na fakafeofi ake loa le kau tisipulo, o fafagu a ia, o pati : Aliki, saofaki tatou na tou mamate !

Maleko 4:37

Na to loa se asesio lasi, ti na sopo a galu ki loto o le vaka, ti kua apele foki a ia i le vai.

Maleko 4:39

I lana ala ake, na valoki loa e ia le matagi, mo pati ki le tai : Fakalologo ! Manava oki ! Ti na mate loa le matagi, ti na momole oki loa le tai.

Luka 8:24

Na lotou soso ake loa kia Sesu, o fafagu a ia o pati : Pule, pule, ka tou mamate ! I lana ala ake, na valoki loa e ia le matagi mo le galu, ti na la malu loa, ti na toe au loa le tokamalie.

Soane 4:6

I ai, na tuu ai le sosoni o Sakopo. I lona gaegae i le fanoga, na tonatona loa Sesu i le laugutu o le sosoni. Ko le lalatea a ia.

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Uluaki tosi a Petelo 5:7

ti ke kotou teki kiate ia okoutou mafaia fuli, talie e tokaga a ia kia koutou.