Maleko 4:28 - Tosi Tapu

²⁸ E fakatupu toka tasi e le kele lona fua, uluaki le muko, ti soko mo le taulu fulumeto, ti soko mo le fatui fulumeto kua katoa i le fui fulumeto ;

Maleko 4:28 ပူးပေါင်းရင်းမြစ်များ

Senesi 2:9

Ti na fakasosomo loa e le Eteleno Atua i le kele a laakau kesekese fuli e fulumalie ki le mata ti mo malie ki le kai. Ti na fakatuu loa e ia, i loto malie o le oloto, le laakau o le mauli mo le laakau o le iloa o le malie mo le veli.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Ekelesiasi 3:1

E i ai se temi ki nea fuli, se temi ki nea fuli i le lalo lagi :

Ekelesiasi 3:11

Kua fai e ia a nea fuli ke fulumalie i lona temi totonu. Kua tuku foki e ia ki olatou loto le manatu o le mauli lee gato, logo ai e leaise mafai ke matala le tagata ki le gaoi leia e fai e le Atua mei lona kamataaga o kaku ki lona fakaoki.

Esaia 61:11

Talie, ofaipe le kele leia e fakasomo ia lona pulapula, Ti e faipe le oloto leia e fakatupu ia ona fakaili, E fakatupu loa e le Aliki, le Eteleno, le fakamauli mo le fakafetai I mua o atu puleaga fuli.

Oseo 6:3

Tou iloa, tou afa ke iloa le Eteleno ; Ko lana au e maoki ofaipe le au o le mafoata. E au loa a ia kia tatou ofaipe le ua, Ofaipe le ua o le temi mafana leia e fakavai ia le kele.

Mateo 13:26

I le somo ake loa o le fulumeto o fua, na toe sa ake loa i ai mo le sisania.

Maleko 4:27

pe moe a ia pe alaala a ia, i le pouli mo le ao, e somo le pulapula ti mo tutupu, kae e leaise iloa e ia pe feaki.

Maleko 4:29

Ti ka matua loa le fua, e tuku loa ki ai le sele tuuti, talie kua soko le temi tuuti o le fulumeto.

Filipe 1:6

E kau iloa papau ko leia na kamata ia ia koutou le gaoi malie lena e fakasoko ia loa a ia ke malie tukupau o kaku ki le aso o Sesu-Kilisito.

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,