Maleko 4:24 - Tosi Tapu

²⁴ Na toe pati loa a ia kia latou : Kotou tokaga ki le nea leia e kotou logo ki ai. E fuafua loa koutou ki le fua leia na kotou fakaaoga, ti e toe fakalasi atu loa kia koutou.

Maleko 4:24 ပူးပေါင်းရင်းမြစ်များ

Taagapati 19:27

Ei loku vosa, tuku lau fakalogo ki le akonaki, Mo kapau ko se nea ke fakamamao ai a koe i masau o le poto.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Selemia 17:21

E folafola le Eteleno, o pati : Kotou tokaga ki okoutou laumalie, Aua na kotou amo ni amoga i le aso o le sapato, Ti aua na kotou fakaulu ni amoga i matapa o Selusalemi.

Mateo 7:2

Talie e fakamaui loa koutou ki le fakamaau leia na kotou fai, ti e fuafua loa koutou ki le fua leia na kotou fakaaoga.

Maleko 9:7

Na au loa se ao o uufi latou, ti na sa loa se leo mei le ao : Ko ia leinei ko loku Alo alofaina : Kotou fakalogo kiate ia !

Luka 8:18

Kotou tokaga ki lakoutou fakalogo ; talie e soli loa ki leia e maua, kae ki leia e nofo noa e toe too loa mo le nea foki leia e pati a ia e maua e ia.

Soane 10:16

Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi.

Soane 10:27

E logo aku ovi ki loku leo ; e kau iloa latou, ti e lotou muli mai iate au.

Soane 5:25

E maoki, e maoki, e kau pati atu kia koutou, e au le ola, ti kua soko foki a ia, e logo ai loa le kau mate ki le leo o le Alo o le Atua ; ti ko latou ala e logo loa ki ai e mauli loa.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.

Lua tosi ki le kau Kolinto 9:6

Ke kotou iloa, ko leia e muluki fakaikiiki, e tau fakaikiiki loa, ti ko leia e muluki lasi, e tau lasi loa.

Epelo 2:1

Koia e tonu ai ke tou asilisili pipiki ki nea ala kua tou logo ki ai, ke aua na tou tafea mamao meia latou i se aso.

Uluaki tosi a Petelo 2:2

kae kotou oli, ofaipe ni toe memea, ki le sua u fakalaumalie mo mea, o tupu ke kotou tuputupua i ai ki le saofaki,

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.