Maleko 3:24 - Tosi Tapu

²⁴ Kapau e mavetevete se puleaga o tau kiate ia totonu, e leaise mafai ke tuu makeke le puleaga lena ;

Maleko 3:24 ပူးပေါင်းရင်းမြစ်များ

Lua tosi a Samuele 20:1

Na nofo i lena se tagata agaveli, na igoa ko Sepa, vosa o Pikili, ko se tagata o Pesamino. Na pupusi loa e ia le fakatagi pupusi, o pati : E leaise motou kau loa kia Tavite, e leaise nea fua leia e motou fakatasi ai mo le vosa o Isaia ! Ke kotou tasi ano ki lona falela, kakai o Iselaele !

Lua tosi a Samuele 20:6

Na pati loa Tavite kia Apisai : E lasi ake loa i le veli leia na fai e Apesalone le veli leia ka fai loa kia tatou e Sepa, vosa o Pikili. Too e koe totonu a tagata fakasausau a lou pule, ti ke tuli a ia, talie na maua e ia ni kolo tau, ti ke sao loa a ia ia tatou.

Esekiele 37:22

E kau fakaliliu loa latou ko se puleaga e tasi i le fenua, i mauga o Iselaele ; ti e lotou maua fuli loa se sau e tasi, ti e leaise lotou toe nofo loa ko ni kakai e lua, ti e leaise lotou toe vaelua loa latou i ni puleaga e lua.

Sakalia 11:14

Ti na kau fatii loa le lua o tokotoko, leia ko Fakatasi, ke motusi ai le pipiki fakatautaina a Suta mo Iselaele.

Mateo 12:25

I le iloa e Sesu o alatou manatu, na pati loa a ia kia latou : Ko Puleaga fuli ala kua mavaevae e maumau loa, ti ko kolo fuli pe ko fale fuli ala kua mavaevae e leaise mafai loa ke tuu fualoa.

Maleko 3:23

Na kalagai loa latou e Sesu, o pati kia latou i se folafola fakatata : Pe mafai feaki ke kapu Satana e Satana ?

Maleko 3:25

ti kapau e mavetevete se fale o tau kiate ia totonu, e leaise mafai ke tuu makeke le fale lena.

Soane 17:21

o tupu ke lotou liliu fuli ko se nea e tasi, ofaipe koe, Tamana, e ke nofo iate au, ti mo au iate koe, o tupu ke lotou liliu foki ko se nea e tasi ia taua : O tupu ke tui le malama nei na ke kakau mai au.