Maleko 2:15 - Tosi Tapu

¹⁵ Na nofo Sesu i le fale o Levi, o kai mo ana tisipulo ; ti na nonofo foki mo ia ni popelikano mo ni tagata agasala toka api ai ; talie na toka api ai latou ala na mulimuli iate ia.

Maleko 2:15 ပူးပေါင်းရင်းမြစ်များ

Mateo 5:46

Kapau e kotou alofa fua kia latou ala e alofa mai kia koutou, kolea le fakapale leia e kotou maua loa ? Pe e leaise fai fenaaki foki le kau popelikano ?

Maleko 2:14

I lana natu, na tio loa a ia kia Levi, vosa o Alefeo, leia na tonatona i le pilo tukusau. Na pati loa a ia kiate ia : Muli mai iate au. Ti na tuu ake loa a Levi ki aluga, o muli iate ia.

Maleko 2:16

I le tio a le kau sekelipa mo le kau faliseo e kai Sesu mo le kau agasala ti mo le kau popelikano, na lotou pati loa ki ana tisipulo : Kolea e kai ai mo inu ai a ia mo le kau popelikano mo le kau agasala ?

Luka 15:1

Na fakafeofi ake loa kia Sesu le kau popelikano fuli mo ni kakai mauli veli, ke logo kiate ia.

Luka 6:17

Na ifo loa Sesu mo latou, ti na tuu loa a ia i se ganea laumalie, leia na nofo ai ana tisipulo, ti mo se kakai toka api mei Sutea, mo Selusalemi, ti mo le mata tai o Tile mo Sitone. Na lotou au o fakalogologo kiate ia, ti ke fakamauli olatou masaki.