Maleko 16:14 - Tosi Tapu

¹⁴ Ti na sili a ia, na toe sa loa Sesu ki le tino agafulu tupu tasi, kae lotou lolotoga kai ; ti na valoki loa e ia kia latou lolatou tui gataa mo le fefeka o olatou loto, talie na leaise lotou tui kia latou ala na tio kiate ia kua toe tuuake.

Maleko 16:14 ပူးပေါင်းရင်းမြစ်များ

Numelo 14:11

Ti na pati loa le Eteleno kia Moisese : E kaku loa kiafea le fakamamae o loku loto e le kakai leinei ? E oki loa afea lana tuigataa kiate au, logo ai a fakamailoga fuli o loku mafimafi ala kua kau fakatio a ia ki ai ?

Mateo 11:20

Na fai e Sesu ni valoki fakamakeke ki kolo ala na soko ai le lasiga o ana milakulo, talie na leaise lotou fakasemala.

Mateo 17:20

Na pati loa Sesu kia latou : E tupu ko lokoutou tui gataa. E kau pati maoki atu kia koutou, kapau e kotou maua se tui ofaipe se fuai sinapi ; e kotou pati loa ki le mauga lena : Mataaki i leinei ki leia, ti e mataaki loa a ia ; e leaise toe faigataa loa se nea kia koutou.

Mateo 28:17

I lalatou tio kiate ia, na lotou atolasio loa kiate ia. Kae na lotolotolua loa ni iki.

Maleko 7:18

Na pati loa a ia kia latou : Mo koutou foki, pe kotou sala atamai ? Pe leaise kotou matala e leaise nea fua i tafa e ulu ki loto o le tagata, e mafai ke fakakelekele ia a ia ?

Luka 24:11

Na fai a nea ana ki le kau apositolo pe ni moe miti, ti na leaise lotou tui ki fakamatala a fafine.

Luka 24:25

Ti na pati loa Sesu kia laua : Tagata sala atamai, ti mo tui gataa ki nea fuli ala kua fakasa e le kau polofeta !

Soane 20:25

Na pati loa a la ake tisipulo kiate ia : Kua motou tio ki le Aliki. Kae na pati loa a ia kia latou : Kapau e leaise kau tio ki pu o fao i ona lima, ti kapau e leaise kau velo loku maikao ki pu o fao, ti kapau e leaise kau teki loku lima ki lona vakavaka, e leaise kau tui loa.

Soane 20:26

Sili ni aso e valu, na toe fakatasi le kau tisipulo a Sesu i le fale, ti na nofo Tomasi mo latou. Na au loa Sesu, kae kua tapono a matapa, o tuu i loto malie o latou, o pati : Ke nofo ia koutou le tokamalie !

Soane 20:27

Ti na pati loa a ia kia Tomasi : Sosoaki mai lou maikao ki leinei, o tio ki oku lima ; sosoaki mai foki lou lima, o teki ki loku vakavaka ; ti aua na ke tui gataa, kae ke tui.

Soane 21:1

I le oki o nea ana, na toe sa foki Sesu ki ana tisipulo, i le mata tai o Tipeliate. Ti na feneeki loa lana sa kia latou.

Soane 21:14

Ko le tua tolu loa lena o le sa a Sesu ki ana tisipulo talu mei lana toe tuuake mei le kau mate.

Gaoi 1:3

I le oki o lona mate, na sa mauli loa a ia kia latou, o tuku kia latou ni fakamaoki lasi ai e mauli a ia : I le lolotoga o aso e kau fa, na tau sa loa a ia kia latou, o masau ki nea o uiga mo le Puleaga o le Atua.

Uluaki tosi ki le kau Kolinto 15:5

ti na sa a ia kia Kefasi, ti mo le tino agafulu tupu lua.

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.