Maleko 15:5 - Tosi Tapu

⁵ Ti na leaise toe tali fua Sesu kiate ia, ti na ofolele ai Pilato i le nea lena.

Maleko 15:5 ပူးပေါင်းရင်းမြစ်များ

Pesalemo 71:7

E kau faipe se nea fakaofolele ki se toka api, Kae ko koe, ko loku ulufaga makeke.

Esaia 53:7

Na fakaveliveli a ia mo fakamamae, Kae na leaise fakamavaa fua e ia lona gutu, Ofaipe se akeno leia e taki ki le fale tamate manu, Se ovi fafine gutu mate i mua o latou ala e koti ia a ia ; Na leaise fakamavaa fua e ia lona gutu.

Esaia 8:18

Ko leinei, ko au mo fanau ala na tuku mai e le Eteleno kiate au, Kua motou liliu ko ni fakamailoga mo ni nea fakatalatupua i Iselaele, Mei le Eteleno o kau tau, Leia e nofo i le mauga o Sione.

Sakalia 3:8

Koia fakalogo mai Sosue, tagata faisakilifisio lasi, a koe mo ou kaukau nea ala e tonatona i ou mua ! - talie ko ni tagata ala ka liliu loa ko ni fakamailoga. - Ko leinei, e kau fakasa loa laku tagata fakasausau, le Pulapula.

Mateo 27:12

Kae na leaise tali fua e ia se nea ki fakalakasala a le kau pule faisakilifisio mo le kau fakamatuatua.

Mateo 27:14

Ti na leaise tali loa Sesu ki se masau fua e tasi, ti na ofolele lasi ai le kovana i le nea lena.

Maleko 15:4

Na toe vesili loa Pilato kiate ia : Pe leaise ke tali ki se nea ? E ke tio ki le lasi o nea ala kua lotou tuku kiate koe.

Luka 23:9

Na fai loa e ia ni vesili mauke kia Sesu, kae na leaise tali fua Sesu ki se nea.

Soane 19:9

Ti na toe ulu loa a ia ki le peletolio, o pati kia Sesu : Pe ke au meifea ? Kae na leaise toe fai loa e Sesu se tali kiate ia.

Uluaki tosi ki le kau Kolinto 4:9

Talie, e sakinake kiate au, kua tuku e le Atua matou ko apositolo ko le kau mulimuli oki i tagata fuli, ofaipe ni kau tua ki le mate, talie kua motou liliu ko ni nea manogii a le malama nei, mo le kau aselo, ti mo tagata.